amalinks wokungena

Breaking News

UMongameli Mugabe Wethekelela Isigodlo seSADC KweleBotswana


Umongameli Robert Mugabe

EBotswana kulesigodlo somanyano weSADC njalo kufanele abuke lindawo, akhulumisane labasebenza khona njengalokhu akhangelelwe ukukwenza njengomgcinisihlalo weSADC.

Umongameli Robert Mugabe usukile eHarare ngoLwesibili elubhekise eGaborone kweleBotswana, lapho okulesigodlo somanyano weSADC, ukuze abuke lindawo njalo akhulumisane labasebenza khona njengalokhu akhangelelwe ukukwenza njengomgcinisihlalo weSADC. Ukhangelelwe njalo ukuxoxisana lomongameli wakulelolizwe uMnu. Ian Khama.

Ngaphambilini kwaloluhambo, umongameli Mugabe, ongumgcinisihlalo womanyano weAfrican Union, uhlangene lesiphathamandla salumanyano, uNkosazana Dlamini-Zuma obeselizweni, belolonga amalungiselelo omhlangano we African Union Summit ozaqhutshwa ngenyanga ezayo eJohannesburg kwele South Africa.

Ekhuluma emhlanganweni lentathelizindaba ngoMvulo eHarare ngemva kokuhlangana lomongameli Mugabe, uNkosazana Dlamini-Zuma uthe i-AU summit izacubungula okunengi okugoqela ingxabangxoza ese Burundi, Somalia, leMali.

Indikimba yalumhlangano ngeyokuhlaziya ukuthuthukisa impilo yabesifazana, ngakho ithi "Year of Women Empowerment and Development Towards Africa’s Agenda 2063.”

Ukuze sihlaziye loludaba, uSithandekile Mhlanga weStudio 7 uxoxe loMnu. Rejoice Ngwenya, ingcwethi ecubungula ezombusazwe, yena othi umanyano we AU awulamandla okuxazulula ingxaki ezikuzwekazi leAfrica.

please wait

No media source currently available

0:00 0:02:03 0:00
Lapho esitholakala khona

XS
SM
MD
LG