amalinks wokungena

Breaking News

MDC: Kungadlalwa Ngodaba Lokuthunjwa Lokutshaywa Kwabantu


Pashor Raphael Sibanda
Pashor Raphael Sibanda

UMnu. Sibanda uthi ubufakazi bokwenzakalayo bukhona ngoba kulencwadi zikadokotela eziveza ukulimala kukayise, kukanti labomakhelwane bezwa njalo babona okwamehlelayo njalo udaba lolu lwakhwezwa emapholiseni.

Unobhala jikelele wogatsha lwabatsha kubandla leMDC koBulawayo uMnu. Pashor Raphael Sibanda othi wayedingwa ngabacatshangelwa ukuthi ngamapholisa ensitha awe CIO ngeviki edluleyo, abathi sebemswele, bathumba uyise bamtshaya kakubi bamtshiya emangcwabeni eLuveve eduzane leCowdray Park emadabukabusa, uthi usola abathi abehlelwa yisiga esifanayo balamanga.

Inkokheli yenhlanganiso yabalwa empini yenkululeko eyeZimbabwe National Liberation War Veterans Association lelwela ilungelo loluntu eye Zimbabwe Citizens Forum, ithi izehlakalo ezibikwayo ezokuthunjwa kwabasekeli bebandla leMDC kanye labanye ngamanga njalo inhloso yikungcolisa uhulumende.

Kodwa uMnu. Sibanda uthi ubufakazi bokwenzakalayo bukhona ngoba kulencwadi zikadokotela eziveza ukulimala kukayise, kukanti labomakhelwane bezwa njalo babona okwamehlelayo.Uthi udaba lolu lwakhwezwa emapholiseni.

Lokhu kwenzakala ibandla leli lisithi amapholisa alenqabele njalo ukutshengisela emadolobheni eChinhoyi leMhangura esithi awaziswanga kuseselesikhathi ngaloludaba njalo incwadi yeMDC ayikhombi ukuthi ngobani abazakhuluma labantu kulumbhikitsho.

Ibandla leMDC livinjelwe ukutshengisela emadolobheni phose wonke ngamapholisa njalo lithi lokhu yikwephulwa kwesisekelo sombuso ngoba balemvumo yokwenza lokhu.

please wait

No media source currently available

0:00 0:02:44 0:00

XS
SM
MD
LG