amalinks wokungena

Breaking News

Ayadlephana AmaDemocrats lamaRepublicans Phezu Kophenyo Lodlakela eCongress


Nancy Pelosi
Nancy Pelosi

Usomlomo wedale lephalamende eMelika, eleHouse of Representatives, uNkosikazi Nancy Pelosi uthi kasoze avumele abebandla eliphikisayo elamaRepublicans bevimba ikhomithi aseyibumbile ezaphenya udlakela olwabangelwa ngabasekeli bakaMnu Donald Trump eCongress mhlaka 6 ngoZibandlela.

UPelosi wethule amazwi la izolo kulandela ukufuthelana okukhulu phakathi kwebandla lakhe elamaDemocrats lelamaRepiblicans.

Ukudonselana lokhu kudlondlobale ngemva kokuba uPelosi eyale ukwamukela amalunga amabili awebandla lamaRepublicans, uMnu Jim Jordan loMnu Jim Banks ukuthi babe yingxenye yekhomithi le esithi ababili laba bazayiswelisa isithunzi.

Lokhu kwenze amaRepublicans akhipha wonke amalunga ayo amahlanu abemele engene kukhomithi esithi nxa uPelosi engafuni uBanks loJordan, ibandla lamaRepublicans alisoze liphatheke kulolu phenyo.

Ingcwethi kwezombusazwe uMnu Effie Dlela Ncube utshele iStudio 7 ukuthi ukuze impumela yaloluphenyo yamukeleke, kumele kube lokuvumelana phakathi kwamabandla womabili phezu kwamalunga ayo.

please wait

No media source currently available

0:00 0:01:57 0:00

XS
SM
MD
LG