Kulabasekeli bebandla likaMnu Nelson Chamisa eleCitizens Coalition for Change (CCC) abane ababotshelwe ukugqoka izikipa zalelibandla eHarare izolo, kubike amagqwetha abo.
Abasolwa laba nguEmmanuel Zellers Gumbo, Erasmus Nyandoro, Prince Mutebuka loTendai Chigwada.
Inhlanganiso yamagqwetha abamelayo iZimbabwe Human Rights NGO Forum ithi abane laba bebegcinwe enkambeni yeHarare Central Police Station izolo ntambama lapho abetheswe khona icala lokubangela ubudlwangudlwangu.
Ibandla leli belikhuthaza uzulu ukuthi avunule impahla elithanga ngoLwesihlanu, okungumbala walo omutsha ngemva kokuguqula ibizo selitshiyana lelithi MDC Alliance.
Lumkhankaso uphansi kwesihloko esithi #YellowFriday.
UMnu Chamisa labanye bakhe bathi bakhethe lumbala ngoba ulombiko welakusasa leZimbabwe elihle njalo elikhazimulayo alubana iCitizens Coalition for Change ingangena embusweni.
Asenelisanga ukukhuluma lesikhulumeli samapholisa uMnu Paul Nyathi ngaloludaba.