Bekuthule ngoLwesine kundawana yonke edolobheni leHarare, okubalisa emizini eke yaba lodlakela enjenge Mufakose le Warren Park D, uzulu ephatha imisebenzi yakhe njengensukwini.
Eyinye yenhlanganiso esemkhankasweni wokukhuthaza umongameli Robert Mugabe ukuba asuke ebukhosini, eye Tajamuka/Sesijikile Campaign, bethi bafuna asuke esikhundleni leso, kusiyafika umhla ka 31 Ncwabakazi.
Lenkuthazo iza ngemva komkhankaso wokutshengisela kukazulu weZimbabwe ilizwe lonke ngoLwesithathu, inkokheli yenhlanganiso eziphatheke kiwo, okubalisa eye Tajamuka/Sesijikile, isithi makungabuyelwa emuva, kuze kufezeke lokho okufunwa nguzulu.
Emhlanganweni lentathelizindaba owenzelwe eMedia Centre ngoLwesine, inkokheli yeTajamuka/Sesijikile, ibonge uzulu ngokuphatheka kulomkhankaso.
Isikhulumeli salenhlanganiso emanyanisa ontanga bamabandla ezombusazwe alitshumi lane-14, umnumzana Promise Mkhwananzi uthi usehlulekile uMugabe lebandla lakhe leZanu PF, sekumele atshiyele abanye.
Kuliqiniso lokho,ubaba uMugabe simnika up to August 31,ukuthi atshele ilizwe ukuthi yena uzaphumula nini,njengoba simbona ubaba usekhulile,useluphele. Uyaphumula nini, uyanika nini abanye ithuba,lokuthi labo bakhokhele ilizwe,maybe bengenza okungcono kulalokho esibone yena ekwenza.
Uwulandule lowo mbiko osubhoda ebulenjini, uMkhwananzi osukhankasela ukhuth aze uzulu ukuba afole elubhekise eState House, mhlaka 9 yonale inyanga, ukubamba ngamandla uMugabe ukuba basuke ebukhosini.
Asilani lokwenza ngalokho,thina nxa silent zokwenza,sizalitshela,sisebenzisa amachannels esilichasisele wona,awe Tajamuka/Sesijikile. Mina yimi umkhulumeli we Tajamuka/Sesijikile eZimbabwe,yimi engizabe ngikhuluma ukuthi sesisiya ngaphi,sichasisela uzulu weZimbabwe ukuthi kuhamba njani. Into esizikhulumayo thina,zisegcekeni,azifihlwanga,asicatshanga,sikhuluma mgceke,ukuthi uMugabe labanye bakhe,sekumele bahambe.
Wakhuthaza amapholisa ukwehlukana lomkhuba wokuhlukuluza abantu lapho betshengisela ukukhonona kwabo ngokuthula, bahloniphe ilungelo labo lokwenza lokho elikusisekelo sombuso.
Amapholisa alokhe esiya phambili ngokubopha abantu abatshengiselayo okungekho emthethweni. Sithi amapholisa,akhulule abantu bonke labo abababophileyo,ngoba bababophe okungekho emthethweni, bame njalo ukwethusela abantu. Abantu abasethuki,abantu sebezimisele ukulungisisa ilizwe labo. Siyathola okungama message lapha lalaphaya okuzama ukusethusela kodwa hayi, ngumlilo wamaphepha,thina siya phambili,sizimisele ukulungisisa ilizwe lethu.
Umnumzana Alistair Pfunye umkhokheli wenhlanganiso emela izifundi eyeZimbabwe National Student Union ( ZINASU ), abayingxenye yalomkhankaso, uthi bajabule ngalokho okwenziwe nguzulu ngeLwesithathu.
Njengezifundi,thina siyathaba,okwakuqala izolo,abantu beZimbabwe behlangana,not ukuthi bavela kuwaphi iPolitical Party,not ukuthi basuka kuwaphi amaorganisation,behlangana ukuthi balwise,badimande ama rights abo. Sikhangele into enje ngokuthi akulamsebenzi,amaindustries avalwa,ama fees ayakhwezwa and abazali ababhadalwa,amagraduates ayathengisa emgwaqweni,i employement ayikho. Kuyasijabulisa kakhulu,siyakusekela okwenzakale izolo,sithi akuyale kusiya phambili,until i Government ise ikwanise ukuthi,ilungisise izidingo zabantu.
Lesi senzo sikazulu, uPfunye ethi sibonisa ukuba esezinikele ukuzimela, esediniwe ngendlela umbuso kamongameli Mugabe leZanu PF, esenza ngayo.
Abantu beZimbabwe sebekwazi ukuthi yibo abayibhadalayo ngama taxes,i government kumele ibabhadale back ngokubasebenzela lokuhlonipha abatsha ngokubanika imisebenzi. Khathesi kule problem,amastudents aswela even ama attachments,amankazana ayenza okokuthi belale labo boss ukuze bathole ama attachments. Yizehlakalo ezihlangana labantu eZimbabwe,sithi asiyaleni sibambene bantu beZimbabwe,sisilwa ukwenzela ukuthi i Government ibe responsible,entweni esiyabe sizifuna,endingweni zethu. Ingabi yi Government yokuthi siyabe siyesaba but i government kumele isinike ama feed backs,kumele yenze lokho esayifakela khona ukuthi ikwenze.
Ethi,kunje zikhona izifundi ezibotshiweyo ngoba ziphatheke kulokhu kutshengisela kukazulu.
Kulezifundi ezintathu ezibotshiweyo izolo koBulawayo,eHarare kulezine,eMutare kulezimbili,umgcinisihlalo wethu eMasvingo,ukwanisile ukuthi ebaleke kodwa ngizwe kuthiwa bayamdinga. Kungakho sicela usekelo ebantwini ukuthi khona,lumkhuba kasiwuqedeni,uphele kokuphela.
Abomanyano weTajamuka/Sesijikile, bathi uhambe ngendlela lumkhankaso, bebonga abakubhizimusi, izifundi, abaphila ngokuthengisa, abahambisa izimota ezithwala uzulu, abamabandla ezombusazwe, abezokholo kanye laye uzulu wonke jikelele elizweni, ngosekelo kanye lokuphatheka kwabo.