amalinks wokungena

Breaking News

Bacela Uncedo Lwamatende abadilizelwe Izindlu eBudiriro


Abadilizelwe izindlu emzini eBudiriro eHarare
Abadilizelwe izindlu emzini eBudiriro eHarare

Amalunga eKopa yeTembwe Housing Cooperative emzini weBudiriro, eHarare, abadilizelwe izindlu liviki ezibikwa zakhelwa endaweni engekho emthethweni, sebecela usizo lwamatende ukuze bacatshise amakhanda njengoba sebehlala egcekeni benethwa lizulu nsuku zonke.

Ababhidlizelwe izindlu eBudiriro bebebonakala behlezi egcekeni bekhanya ukuba sebephelelwe izulu liwohloka hatshi kancane.

Abadilizelwe izindlu emzini eBudiriro eHarare
Abadilizelwe izindlu emzini eBudiriro eHarare

Ekwethekeleni okwenziwe yiStudio 7, kule indawo ye Tembwe Cooperative ebucwadlana lamavinkili ako Current emzini we Budiriro 5, isimo besizwisa usizi omama abalensane behlezi egcekeni benethwa lizulu lemuli zabo bekhangele imphahla iwonakala beswela lokuthi bethini.

Umnumzana Francis Mapete odilizelwe indlu, uthi sebeleminyaka elitshumi behlala kule indawo njalo babelwa izitanda phansi kwale Kopa eyayikhokhelwa ngumnumzana Caleb Kadye, obotshwe mhlalokho kudilizwa izindlu esetheswa umlandu wokwaba umhlabathi engelawo lawo mandla.

“Ngangivela emsebenzini, ngifika lapha, ngabona kule truck eye Riot Police, lemota eye Council. U Chairman uKadye, kade ekhona, wazama ukuthi akhulume labo, ukuthi babuya ukuzobhidliza indawo leyi, inkinga yini?. Kabazange bakwanise ukuthi bamuphe iCourt Order. Because thina sihlezi lapha, asizange siphiwe even incwadi, ezitshengisa ukuthi kumele sisuke kule indawo, ama eviction orders but saphongubona isigreda sesibuya, sekudilizwa izindlu zethu.”

UMapete uthi kunje sebephelelwe bengasazi ukuthi benzeni nanku lezulu lisina okwamagama.

“ So, silemuli, silabantwana, ama birth wonke, kwanethwa lizulu. Amabhuku abantwana, ama Text Books, ama Excercise Books, konke kwanethwa lizulu. So sisendaweni enzima, angazi ukuthi sizaphila njani. Kumbe bakhona abangakwanisa ukusincedisa, konke konakele kulindawo.

Ummeli weNkulumane edale lePhalamende eligqwetha njalo kwezemithetho yezombuso ( Constitutional Lawyer ), umnumzana Kucaca Phulu uthi lesi yisihluku esehlele lezi zakhamizi.

“Ngenxa yokuthi, uyabona ukuthi izulu liyana khathesi, khangela izindlu lezi ukuthi yizindlu ezinganani, khangela inkukhu leziyana lesicathulo somntwana?. Bekumele ukuthi lanxa kusenziwa izinto ezinje, zisenziwa kulandelwa umthetho, zenziwe kulandelwa iPolicy ka Khansili ukuthi labo bayakhangela ukuthi lanxa ufuna ukususa abantu basiswa sikhathi bani.”

UPhulu uthi kunje akwaziwa ukuthi ngubani obekhokhela lumsebenzi wokudilizela abantu zindlu.

Abadilizelwe izindlu emzini eBudiriro eHarare
Abadilizelwe izindlu emzini eBudiriro eHarare

“Ngokwenzakala kwayo, kayenziwanga yi khansili ilandela imilayo yayo, ngani kule politics enye engenileyo phakathi kwento leyi. Okokuthi akuzwakali ukuthi kanti obize amapholisa ngubani, othe kubuye kuzedilizwa ngubani?. Njengoba liyabona ukuthi nangu uMayor lapha ukhona, kakwazi ukuthi kanti nxa kuthiwa kuhambe so, engxenye yikho abamfakela khona ejele, ukuthi bamfake ejele basale besenza khonokhu okuyizinto. ”

Kodwa umanisipala uthi ulandele umthetho njalo elencwadi aziphiwe lidale le High Court zama Court Orders, ezimvumela ukwenza njalo esebenzisana labehofisi yesithunya somthethwandaba uSherif.

Engcwadini yakhe ayithumele intathelizindaba uManisipala uxwayisa uzulu ukuba mangabi ngovuma ukudlelezelwa ethatheka lapho esizwa kuthiwa sekuthengiswa indawo zokwakhela izindlu kumbe izakhiwo zamabhizimusi esithi kadinge ulwazi kibo kuqala anduba athenge lezo ndawo.

Unobhala wogatsha lwezokwethulwa kwemibiko umnumzana Nick Mangwana ulobe enkundleni yokukhulumisana yebulenjini ye Twitter kunsukwana ezisanda kwedlula esithi uzulu makakhangelele ukubhidlizwa kwezakhiwo ezimbalwa ezakhiwe ngaphandle komthetho, ukubotshwa kwabaphila ngokuthengisa ezitaladeni ngokungekho emthethweni labathengisela abanye umhlabathi bengela mvumo yokwenza lokho ama Land Barons.

UMangwana uthi labagebha bethengisa itshebetshebe endaweni ezingavunyelwayo kanye labathengisa amanzi, abaphatheke kwezokuntshintsha imali emkambo omnyama, ezovalwa amabhizimusi asebenza ngokungekho emthethweni ngoba engabhaliswanga. Konke lokhu uMangwana uthi kwenziwa ngenjongo yokufuna ukuqeda umkhuba wokwephulwa komthetho mahlayana.

U Manisipala we Harare uthi akacini lapha, ezobhidliza izakhiwo kuma Cooperatives abalisa eye Ideal Homes Housing Cooperative, Home of Angels, Bantu Housing Cooperative Society Limited, Murashe Housing Cooperative, Excellent Stairs, Igarwe, Takakura, Lambano, United we stand, Mushandiwega, Universal, Nyabira, 5 Chitepo, Greenlands, Mushati Housing Co-operative, Progoti Co-operative, Dzapasi Co-operative, Kudakwashe Makusha, Cecil Madondo layo iTembwe Housing Co-operative Society Limited esanda kubhidlizelwa izindlu.

please wait

No media source currently available

0:00 0:05:46 0:00
XS
SM
MD
LG