amalinks wokungena

Breaking News

'Ogubuzela' Bathwalise Nzima Abantu Emaphandleni


Abantu eBubi esabelweni seMatabeleland North bakhala ngobugebengu osobugcwele esigabeni lesi abathi kubangelwa ngabemba igolide lokunye.

UMnu. Ephraim Ndlovu, omunye wabakhokhela isigaba lesi, uthi banengi abantu ababanjwa inkunzi ngabemba okutshiyeneyo.

uNdlovu uthi kumele kube lenkamba yamapholisa esigabeni lesi ngoba abasebenza lamapholisa kabalamandla okubopha abantu laba ngenxa yokuswelakala kwemibhobho lokunye.

Lokhu kusekelwa nguMnu. Reuben Ndlovu, omunye obesemhlanganweni eBubi, obekuboniswana khona ngohlupho lobugebengu.

UNkosikazi Sithembekile Nkala, laye ohlala esigabeni lesi, uthi izigebengu zibathwalise nzima.

UNkosikazi Nkala uthi izigebengu lezi zihluthulela abantu amafoni zingakabathatheli impahla etshiyeneyo.

Uthi lokhu bekwenzela ukuba abantu bengabiki okubehlelayo kwezinye izakhamizi.

Kulabantu abanengi abemba igolide okungekho emthethweni esigabeni lesi.

Amapholisa atholakala eNyathi hatshi eziqintini zendawo le.

Udaba lolu siluqoqelwe yinhlanganiso yeHabakkuk Trust ibambisana lomsakazo weStudio 7

Facebook Forum

XS
SM
MD
LG