amalinks wokungena

Breaking News

Bakhathazekile Abasakhulayo Ngokwanda Kwezehlakalo Zodlakela Lwamabandla Ezombusazwe


MDC Alliance

Abenhlanganiso yabasakhulayo eye Youth Coalition on Elections baveza ukukhathazeka ngezehlakalo zodlakela eseziqhamuka phakathi kwamabandla ezombusazwe eZimbabwe, kusobala ukuthi aselungiselela ukhetho oluzayo luka 2023.

Emhlanganweni lentathelizindaba owenzelwe eMedia Centre ngoLwesibili, umqondisi wenhlanganiso eye Youth Alliance for Democracy – YAD, kanye lekhankasela ukuguqulwa kwemithetho elawula ngezokhetho eye Youth Coalition on Electoral Reforms, umnumzana Tichaona Masiyambiri, uphe umzekeliso wodlakela lweMasvingo phakathi kwabe MDC Alliance labeZanu PF.

"Lapho esabona khona inkokheli yeZanu Pf isebenzisa amapholisa ukuthi etshaye abantu labo ababebonakala ukuthi babesekela omunye ongayisuye owayethakazelelwa ngulozo owathumayo amapholisa. Konke lokhu vele asikuthakazeleli ngoba into okuthiwa yiViolence, asiyifuni elizweni lapha especially sesikhangele ama Elections azayo ku 2023."

UMasiyambiri uthi njengabatsha bakhuthaza abenhlanganiso zomanyano wamazwe awezwekazi le Africa ukuba zikhuze uhulumende weZimbabwe.

"So, sikhuthaza i-SADC le AU ukuthi bekhulume lenkokheli eseHarare ukuthi itshele abantu bayo beme i-violence abayenzayo kuleli lizwe, sikhangele ngama Elections azayo. Ama-Elections awinwa ngamacebo lawo eliwatshela abantu ukuthi lingasivotela, siyayenza lokhu, hayikhona ukuthi abantu betshayane ngoba bafuna ukuthi bawine ama-elections. So, siyakhuthaza ukuthi kakube lokuthula elizweni leZimbabwe, kakube lokuthula, ama-Elections ka 2023 kayenziwe ngokuthula."

Bakhuthaza njalo umongameli Emmerson Mnangagwa ukuba akhuze inkokheli yeZanu PF ukuba zingabi ngezitshotshozela udlakela njengalokho okuhlala kusenziwa ngezinye iziphathamandla zebandla lakhe.

Kunsukwana ezisanda kwedlula kube lodlakela ngesikhathi umkhokheli weMDC Alliance umnumzana Nelson Chamisa esethekelela izigaba zeMasvingo leManicaland ukuyakhulumisana labemphandleni balezo ndawo. Abequla likaChamisa babikwa behlaselwe ngabeZanu Pf. Kulokuthi alamule ukulwisana phakathi kwabasekeli bamabandla womabili isiphathamandla seZanu PF, umnumzana Patrick Chinamasa uzwakale etshela intathelizindaba ukuba bekufanele ahlaselwe uChamisa labanye bakhe njengoba wayevele engafunakali kulezondawo ezodinga ukubamba ngamandla abantu ukuthi bamlalele.

Facebook Forum

XS
SM
MD
LG