amalinks wokungena

Breaking News

Balimele Inengi Labadlali beBosso


Iqembu lenguqu eleHighlanders FC

Abadlali beBosso ababalisa unozinti uChris Mverechena, imvimbi uHumphrey Ncube kanye lomgadli uMitchelle Katsvairo, kabazange bephatheke emdlalweni wokuzwana amandla iqembu le Highlanders eliwudlale leqembu le Chapungu ngeSonto ngoba belimale emdlalweni iqembu le Bosso eliwudlale lele Black Rhinos kumaviki amabili awedluleyo.

Umgadli uPrince Dube lomdlali wesiswini senkundla uDivine Mhindirira, abenelisanga ukuqeda umdlalo wangeSonto ngemva kokuba besuke balimala njalo lesisimo sitshiye umqeqetshi weqembu le Highlanders uMark Harrison ekhathazekile.

“Bakhona abalimeleyo okuzamele baphole kungakafiki impelaviki ngoba iqiniso elikhona yikuba sobabili leqembu le FC Platinum siwulinde ngamehlo abomvu umdlalo ozayo.

Liqine okwamagama iqembu le FC Platinum ngemva kokudinga abadlali abavela kwamanye amazwe njalo ngikhangelele ukuba umdlalo wakhona uzakube unzima kakhulu,” kutsho uHarrison.

Inkezo ye Castle Challenge ixega iqembu eliphakamise isicoco seligi kanye lalelo eliphakamise inkezo ye Chibuku Super Cup.

Iqembu le Highlanders linqobe ele Chapungu nge 2 ka 1 ngeSonto njalo abalihlohleleyo ngu Mkhokheli Dube kanye lo Prince Dube, ikanti iqembu le Chapungu lihlohlelwe ngu Patrick Khumbula.

Iqembu le Chapungu akukacaci ukuba lizabe lidlala kusiphi isigaba lonyaka njengoba lingazithola seliphendukile kusigaba se Premier Soccer League nxa iqembu le Herentals lingatholakala ukuba lilecala elozama ukuthenga imidlalo ngengalokhu okwaqunywa yinhlanganiso ye Premier Soccer League.

Loludaba kumele luhlaziywe yikhomithi emele indaba ezinjengaleyo eyenhlanganiso ye Zimbabwe Football Association (disciplinary committee) njalo iqembu le Herentals lingatholakala ukuba lilecala ele Chapungu yilo elizathatha indawo yalo kodwa nxa kungasabanga njalo ele Chapungu lizadlala kusigaba seZifa Central Region Division One.

Umqeqetshi weqembu le Chapungu, uMoses Chunga, uthi kunzima ukulungiselela engakwazi ukuba iqembu lakhe lizadlala kusiphi isigaba.

“Kunzima ukulungiselela ungazi ukuba kuqhubekani yikho kuzamele inkokheli zomdlalo zilulungisise loludaba masinya,” kutsho uChunga.

Iqembu le Chapungu ligunyulwe kusigaba se PSL nyakenye ngemva kokuphutsha imidlalo yalo lisendaweni yesine nxa usuka emsileni.

Kweminye imidlalo eyobungane edlalwe ngempelaviki eyedluleyo iqembu le Black Rhinos libe ngutshiki lobhanqa 1 ka 1 lele Dynamos kuthi ele Manica Diamond linqobe ele Herentals nge 1 ka nya.

Ezemidlalo siloJoseph Njanji
please wait

No media source currently available

0:00 0:02:22 0:00

Facebook Forum

XS
SM
MD
LG