amalinks wokungena

Breaking News

Balutshwana Abatshadileyo Abasebenzisa Ama Condom Awesifazane - ZNFC


Inhlanganiso ye National Family Planning Council ithi balutshwana abesifazane ikakhulu abatshadileyo abenelisa ukusebenzisa ama condoms abesifazana ngenxa yokwehluleka ukukhulumisana labesilisa ngokuwasebenzisa.

Lokhu kubikwa kubangela ukuthi abesifazane bacine besiba lemikhuhlane egoqela owengculaza.

Omele iNational Family Planning Council uMnu. Simon Chikwizo ubikwa etshele abezindaba ukuthi loba bebanengi abantu abasebenzisa ama condom abesifazane lawesilisa bezikholisela nje, lokhu akunjalo ezindlini njengoba imithetho itshayelwa abesifazane ngamadoda.

UChikwizo uthi kumele abesilisa bakhulumisane labesifazane ngendlela zokusebenzisa ama condom.

Umnu, Sinokuthemba Xaba omele uhlelo lokusoka lokunika uzulu amacondom kugatsha lukahulumende lwezempilo uthe ama condom abesifazane ayathengwa kakhulu eZimbabwe nxa kuqathaniswa lakwamanye amazwe.

Unkosikazi Cynthia Moyo ongasekeli hlangothi lwabesifazane uthi kunzima ukuthi abasifazane basebenzise imncwado le bengela mvumo yabesilisa.

XS
SM
MD
LG