amalinks wokungena

Breaking News

Balutshwane Asebehlatshwe Ijekiseni Yokwenqabela iCOVID 19 Ngokupheleleyo koBulawayo, Kutsho Ikhansili Yalelodolobho


Ukhansila Sinikiwe Mutanda

Umgcinisihlalo wekhomidi ebona ngezempilakahle kukhansili yakoBulawayo uNkosikazi Sinikiwe Mutanda uthi kuyadanisa ukuthi inani labantu asebehlatshwe ijekiseni yokwenqabela iCOVID 19 liphansi kulelidolobho.

Ugatsha lukahulumende olubona ngezempilakahle luthi umsekeli kamphathintambo walo uDokotela John Mangwiro ngoLwesine uqhube umhlangano eEsigodini lapho achasise ngohlelo lokuhlatshwa kwabantu ijekiseni yokuvikela umkhuhlane weCOVID 19 lamalungiselele okulwisana lokumemetheka kwawo.

NgoLwesithathu, uDokotela Mangwiro ubhoda-bhode edolobheni lakoBulawayo, wahlola isibhedlela se Ekusileni Hospital, lapho aveze ukuthi uhulumende uzasungula inhlelo zokuthi abongi labongikazi bengatshiyi umsebenzi, ezigoqela ezokuthenga izindlu lezimota.

Umgcinisihlalo wekhomidi ebona ngezempilakahle kukhansili yakoBulawayo uNkosikazi Sinikiwe Mutanda, oka ward 10, uthi kuyadanisa ukuthi inani labantu asebehlatshwe ijekiseni yokwenqabela iCOVID 19 liphansi kulelidolobho.

Uthi ngempela izisebenzi ziyasilela ezibhedlela koBulawayo ngoba zisiya sebenza kwamanye amazwe.

please wait

No media source currently available

0:00 0:03:19 0:00

Kusenjalo, ugatsha lukahulumende olubona ngezempilakahle luthi igcikwane leCoronavirus lihlasele abantu abalitshumi lasitshiyangalombili, 18, izolo kuphela kodwa alibulalanga muntu. Lokhu kukhuphule inani lasebahlaselwa yileligcikwane selokhe laqhamukayo ngomnyaka odluleyo laya kunkulungwane ezifika phose amatshumi amane 38 466, labulala inkulungwane elengxenye yalo; 1, 579. Asebehlatshwe ijekiseni yokuzivikela kuleligcikwane sebesedlula inkulungwane ezingamakhulu amahlanu; 549 797.


Facebook Forum

XS
SM
MD
LG