WASHINGTON DC —
Akekho obulawe yiCovid-19 eZimbabwe ngoMvulo kodwa kutholakale abalitshumi lanye belomkhuhlane lo.
Bonke asebebanjwe lumkhuhlane selokhe ufike kulelilizwe nyakenye sebezinkulungwane ezingamatshumi phose amane, 36,934.
Asebebhubhile bayinkulungwane elamakhulu edlula kancane amahlanu, 1,525.
Ugatsha lwezempilakahle luthi abahlatshwe ijekiseni yakuqala yokwenqabela lumkhuhlane izolo bazinkulungwane ezedlula eziyisithupha, 6,157.
Abahlatshwe eyesibili bedlula amakhulu amane, 453.
Bonke asebehlatshwe ijekiseni yakuqala selokhe loluhlelo lusungulwe ngenyanga edluleyo sebezinkulungwane ezedlula ikhulu lamatshumi amabili, 123,454.
Asebehlatshwe eyesibili njalo ingeyokucina sebezinkulungwane ezingamatshuli edlula kancane amabili, 22,056.