amalinks wokungena

Breaking News

Baphiwa Amalanga Amabili Wokuveza Iholo Abaqondisi Bamankampani


Minister Obert Mpofu

Lesi sinqumo silandela udaba lweholo eseluphiwe igama lokuthi Salarygate lapho ezinye iziphathamandla ezithola iholo elesabekayo kumankampani amanye asefike kogoqwanyawo

Umphathintambo wezokuhambisa, uMnu. Obert Mpofu usephe iziphathamandla zamankampani aphansi kogatsha lwakhe amalanga amabili ukuthi ziveze iholo lazo kunye lomumo wemali yemabhanga abo njengendlela yokwenqabela imiholo ephezulu ebikwa itholwa ngezinye iziphathamandla kumankampani kahulumende.

Lesi sinqumo silandela udaba lwemiholo oseluphiwe igama lokuthi salarygate lapho ezinye iziphathamandla ezithola iholo elesabekayo kumankampani amanye asefike kogoqwanyawo.

Loludaba luvezwe ngemva kokuba obengumqondisi womsakazo kahulumende, i zbc, uMnu. Happison Muchechetere ubehola inkulungwane ezingamatshumi amane zamadollar-$40 000 ngenyanga izisebenzi mathupha zona zihlala inyanga ezimbalwa zingaholanga.

Loludaba lufike kuzinga elesabekayo ngemva kwembiko ethi obengumqondisi wenkampani ephathisa ngendleko zokwelatshwa, i Public Service Medical Service- PSMAS, uMnu. Cuthbert Dube ubehola inkulungwane ezingamakhulu amabili lamatshumi amathathu zamadola-$230 000 ngenyanga.

Umphathintambo wezokuhambisa, uMnu. Obert Mpofu unqume njalo ukuthi iziphathamandla zalamankampani kumele zimazise lenzuzo ezingabe ziyithola nsitha.
XS
SM
MD
LG