amalinks wokungena

Breaking News

Baphose Banqindana Abasekeli beZanu PF koBulawayo


Abasekeli beZanu PF
Abasekeli beZanu PF

Bekulokuxokozela emahofisini eZanu PF koBulawayo ngoLwesibili phakathi kwabasekeli babantu ababili abazancintisa kumaprimaries alelibandla okudinga ozamela ibandla kukhetho lokudinga ummeli weNkulumane edale lephalamende.

Kuze kwabizwa amapholisa eriot ukuzelondoloza ukuthula.

Abancintisanayo kukhetho lwama primary ngoLwesithathu nguMnu Killion Sibanda loMnu David Ndlovu.

Abasekeli bakaNdlovu bebehoza uSibanda besithi kabafuni abe nguye omela ibandla kuby-election yeNkulumane, ezakwenziwa mhlaka 19 ngoMpalakazi.

Isigaba seNkulumane sisele singela mmeli kulandela ukubhubha kukaMnu Thamsanqa mahlangu oweMDC-T ngenyanga edluleyo.

UMnu Killion Sibanda utshele iStudio 7 ukuthi abasekeli bebandla abakade bemhoza yizikliwi ezithengwe nguMnu David Ndlovu.

“Mina ngingumuntu obevele esebenza labantu, kodwa omunye wami engincintisana laye ubengafuni ukuthi ancintiswe,” kutsho uSibanda.

“Yikho nje bekulama hooligans athunye mhlawumbe nguye ukuthi angiphazamise.”

UMnu David Ndlovu yena uthe kenelisi ukukhuluma ngoba ubesemhlanganweni.

XS
SM
MD
LG