amalinks wokungena

Breaking News

Bathathu Ababulawe yiCovid-19 eZimbabwe Izolo


FILE - A woman has her temperature checked by a health care worker during a nationwide lockdown to help curb the spread of the coronavirus, at a screening center in Harare, Zimbabwe, April 30, 2020.

Kulabantu abathathu ababulawe yiCovid-19 eZimbabwe izolo labangamakhulu phose amabili, 181, ababanjwe lumkhuhlane.

Phakathi kwababhubhileyo, ababili ngabakoBulawayo kuthi oyedwa ngowaseManicaland. Ukutshona kwabantu laba kukhuphule inani lasedliwe yiCovid-19 selokhu yaqhamukayo laya ku-280.

Idolobho leHarare yilo elikhokhelayo kulabo ababanjwe lumkhuhlane izolo abangu-85 lilandelwa yiBulawayo elabantu abangu-32.

I-Mashonaland East ilabangamatshumi amabili njalo abalitshumi lane ngabeMidlands. Abalitshumi lambili ngabeMatabeleland South, abane ngabeMatabeleland North lababili beMasvingo.

Kulababili njalo beMashonaland Central labalitshumi beManicaland. Asebefunyenwe belomkhuhlane lo elizweni lonke sebengu-10424.

Asebepholile bona bangu-8754 kuthi abalokhe begula bangu-1390. I-Bulawayo yiyo elabagulayo abanengi abangu-564 ilandelwa yiHarare elabantu abangu-219.

Kuzinga lesithathu kuleMatabeleland South ngabantu abangu-159 ilandelwa yiMashonaland West yona elabantu abangu-144.

Lanxa lumkhuhlane usabhahe emadolobheni, inhlanganiso yeRural Communities Empowerment Trust ithi ukuvulwa kwemingcele kulakho ukwenza umemetheke lasemaphandleni ngoba abantu abasebenza kwamanye amazwe sebezaphenduka ekhaya belanda ikhisimusi.

Inengi labantu laba livame ukufikela emaphandleni. Banengi njalo abasuka emadolobheni elizwe atshiyeneyo besiyadlela ikhisimusi emaphandleni lezihlobo zabo.

Isiphathamandla seRural Communities Empowerment Trust uMnu Vumani Ndlovu utshele iStudio 7 ukuthi uhulumende kumele athathe amanyathelo okuxwayisa inkokheli zomdabu emaphandleni ukuthi ziphathe njani izehlakalo zalabo abayabe benakanelwa ukuthi bangene elizweni ngudlu bengahlolwanga.

please wait

No media source currently available

0:00 0:03:13 0:00

Facebook Forum

XS
SM
MD
LG