Amabandla aphikisayo athi akhathazekile kakhulu ngokuphuza kweZimbabwe Electoral Commission (ZEC) ukuqala ukubhalisa abantu abalelungelo lokuvota.
IZEC yayimele iqala loluhlelo ngoMabasa kodwa lanamhla lokhu ayikatsho lokuthi yiphi inkampani ezathengisela ilizwe imitshina yokubhalisa abantu eyema Biometric Voter Registration Kits.
Amankampani adinga lumsebenzi mabili njalo abalisa iLaxton Laxton Group of Companies eyakwele China leDermalog Identification Systems yakwele Germany.
Umabhalane obona ngokuqoqwa kwenhlelo zebandla leMDC-T, uMnu. Abednico Bhebhe, uthi sebecabangela ukuthi iZEC kukhona ekuzamayo okungalunganga.
“Kuyasimangalisa ukuthi kungani bethatha isikhathi sonke lesi khona kungamampani amabili kuphela,” kutsho uMnu. Bhebhe.
Wengeze wathi nxa ingasaphangisanga ukukhetha linkampani, iZEC ilakho ukwehluleka ukubhalisa bonke abantu abalelungelo lokuvota kukhetho oluzayo.
