amalinks wokungena

Breaking News

Sebevuke Eseganga Abantwana Ngesikhathi Kumemetheka Igciwane leCOVID-19


Abantu eMadlambudzi leMatobo bathi umkhuhlane weCOVID-19 usuphambanise impilo yabantwana, ikakhulu amankazana abazithwala bebancane.

UNkosikazi Silindeni Nleya uthi kuyadanisa kakhulu ukuba abantwana kabafundi ngenxa yomkhuhlane weCOVID-19, omemetheka ngamandla kwele Zimbabwe.

UNkosikazi Nleya uthi kuyasinda okwenzakala emaphandleni ngoba abantwana bazahlupheka ngenxa yokungatholi izifundo.

Lokhu kusekelwa nguNkosazana Olitha Msebele othi kuyethusa okwenziwa ngamankazana.

UNkosazana Msebele uthi inengi labo bayazithwala loba beleminyaka ephakathi kwelitshumi letshumi lane.

Uthi lokhu kuzabhidliza imdeni eminengi ngoba abantwana laba kabasagobeki.

Zinengi izakhamizi eziphakathi kohlupho lolu ezithi kumele kudingwe indlela yokufundisa abantwana besikolo ngesikhathi kumeletheka umkhuhlane weCOVID-19.

Abazali Bakhala Ngokuswelakala Kwezifundo Zabantwana Asebevuke Eseganga
please wait

No media source currently available

0:00 0:03:40 0:00


Udaba lolu lilethulelwe yinhlanganiso yeHabakkuk Trust ibambisana lomsakazo weStudio 7

Facebook Forum

XS
SM
MD
LG