amalinks wokungena

Breaking News

AbakoGinimbi Balungiselela Umngcwabo Wakhe Inengi Libuzana Ngenotho Yakhe


Italy Ferrari

Imfa kasomabhizimusi osakhulayo, uGenius ‘Ginimbi’ Kadungure, obeleminyaka yokuzalwa engamatshumi amathathu lasithupha obhubhele engozini yemota eHarare ngeSonto, ilokhu isemlonyeni yabanengi abanye sebebuzana ukuthi inotho yakhe izakuya ngaphi.

U-Ginimbi ubikwa elenotho engedlula izigidi ezilitshumi (US$10 million), lezimota zezinga laphezulu ezibiza inkulungwane lenkulungwane zamadola ezifana leBentley, iMercedes Benz leRolls Royce eyiyo ayenza ngayo ingozi.

Indlu yakhe, yona eseDomboshava lapho azabekwa khona ngoMgqibelo, inkulu okwesabekayo.

U-Ginimbi ubhubhe labangane bakhe abathathu abagoqela omunye oweMalawi uLumumba Karim, yena obikwa ubedingwa ngamapholisa alelolizwe phezu kokucatsha kwezigidi zamadola.

Yena uGinimbi kulemibuzo yokuthi inotho engaka wayithola njalo njani lanxa nje elenkampani ethengisa umlilo we-gas eyePioneer.

Omunye obhubhele kulingozi nguntombazana owazakala ngezokwelula umzimba lezokuceca njalo engunobuhle, uMichelle Moana Amuli.

Uyise uthe wayevele ekhathazekile kakhulu ngempilo eyayiphilwa yindodakazi yakhe eyokuthanda ezokugida emaklabhini.

Loyise kaGinimbi laye ubikwa wayesola indlela indodana yakhe eyayiphila ngayo.

Abanye bathi inotho kaGinimbi lakho ukuphiwa odadewakhe ababili njengoba lonina watshona. Abanye bathi abantu balomhawu ngenotho yakhe kodwa abanye ngabathi indlela anotha ngayo iyasolisa.

Sixoxe loMnu Leo Munhende, isikhulumeli senhlanganiso yentathelizindaba ezisacathulayo, eyeAssociation of Young Journalists of Zimbabwe yena othi ngaphandle kwemibuzo ngenotho nathe, uGinimbi ubeyindoda ebithanda ukuzikholisela.

please wait
Embed

No media source currently available

0:00 0:03:23 0:00

Facebook Forum

XS
SM
MD
LG