amalinks wokungena

Breaking News

Abanye Abantu Bayaliswa Ukubhalisa Amagama Kugwalo Lokuvota


Umbiko wokukhombela lapho okubhaliswa khona kugwalo lokuvota.
Umbiko wokukhombela lapho okubhaliswa khona kugwalo lokuvota.

Inengi lalabo abenelise ukuyafika emawofisini awe Zimbabwe Electoral Commision (ZEC) ngoMvulo eShashi Building eGwanda, esabelweni seMatabeleland South, libuyiselwe emuva ukuba liyedinga ubufakazi bendawo abahlala kizo, iproof of residence, ukuze lenelisa ukubhalisa amagama kuluhlu lokuvota.

UNkosazana Linda Mpofu obengowakuqala ukubhalisa uveze ukudana ngenyathelo likamanisipala lokubhadalisa idola umuntu ngamunye ukuze athole incwadi etshengisa ukuthi uhlala ngaphi.

“Ikhansili iyabhadalisa idola ngilibhadale mina lokhu kutshengisela ubudlova kumbe ngingathi ngumhawu kumbe yikuthanda imali kwekhansili ngoba abantu abanengi bangawathatha ngaphi amaproof of residence ngaphandle kokuthi baye ekhansilini”

UMnumzana Ngqabutho Mpofu laye ngomunye othi ubiselwe emva ukuyadinga iproof of residence.

“Ngihambile ukuyaregister bafika bangitsgela ukuthi ngeke ngenelise ukuregister ngingela proof of residence ngasengihamba ukuyayidinga kumasipala ngafika ngayithola kalula ngokukhipha idola.”

UNkosazana Julieth Nkiwane ungumqondisi wenhlanganiso yabomama eye Women Development In Zimbabwe njalo ube ngomunye walabo abenelise ukubhalisa amgama abo lamhlanje.

UNkiwane uthi kukhona angakuthandanga. “Into le iqalise abantu bengakatshelwa ukuthi kuyaregister kutsha abantu phandle kabakwazi ukuthi kumele baregister.Okusuke kwangikhathaza yikuthi phakathi nxa ungena kulamapholisa ahlomileyo lokhuyana kuzakwethusela izakhamizi ngoba vele yona iBVR abantu bayayiyesaba”

Uhlelo lokubhalisa kakutsha amagama kuluhlu lokuvota lukhangelelwe ukugqitshwa ngoZibandlela womnyaka ozayo.

XS
SM
MD
LG