Umthethwandaba kamantshi koBulawayo ngoMvulo ukhulule abanye abasakhulayo ababotshwe ngoMgqibelo abadume ngokuqoqa amadili ama Vuzu parties, kwathi abanye basala esitokisini, abanye njalo bagwetshelwa ukusebenza emphakathini, i community service.
Abantwana laba babikwa beqoqa amadili, ikakhulu uma izikolo zivulwa kumbe zivalwa, lapho abathatha izidakamizwa ezifana lensangu, bephuze utshwala, njalo bephatheke kwezocansi.
Betheswa icala lokunenga umphakathi i criminal nuisance kanye lelokuthatha izidakamizwa.
Umabhalane wenhlanganiso elwela amalungelo ezakhamizi eyeBulawayo Progressive Residents Association uMnu. Thembelani Dube uthi bahlangane lomphakathi ngaphambilini kwaloludaba lapho inengi elitshengise ukukhathazeka ngokuziphatha kwabantwana laba, inengi elileminyaka elitshumi lane14 kusiya kwengamatshumi amabili lanhlanu-25.
