amalinks wokungena

Breaking News

Abantu Baze Ngobunengi Embukisweni Walonyaka oweE-Tech Expo


Umbukiso wemitshina yangalezi nsuku owe Technology Expo.

Umbukiso wezemitshina yangalezi nsuku owe E–Tech Africa Expo utholisa uzulu uthuba lokufunda indlela ezingaphathisa ukuthuthukisa impilo yabantu lamabhizimusi kusetshenziswa indlela zakulezinsuku.

Lumbukiso ubuthanisa inhlanganiso lamabhizimusi aphatheka emisebenzini yokukhulumisana kunye lolwazi lwakulezinsuku uqoqwa lugatsha lobuncitshi kwezokukhulumisana lemisebenzi ye poso eZimbabwe, njalo abantu baze ngobunengi ukuzobuka obekukhona.

Abantu baze ngobunengi embukisweni owe E-Tech Expo walonyaka
Abantu baze ngobunengi embukisweni owe E-Tech Expo walonyaka

Lumbukiso ujonge ukubonisa ukuba indlela zemitshina yangalezi nsuku yizo ezilakho ukuthuthukisa izwekazi le Africa ukuba lihambelane lokwenzakalayo emhlabeni jikelele ngitsho lakudaba lokuthengiselana.

Isigodlo sommeli weIndonesia eZimbabwe sithi sibambelana ndawonye labantu beZimbabwe kuloludaba sibanikeza lamathuba.

Umnumzana Arthur Mangonda ngomunye wabantu abanje othi useleminyaka elitshumi equba umsebenzi wokuthengisa izinto ezifana le glue edingakalayo kakhulu kuleli. Uthi uthengisa njalo leminye imithi efana lama detergent njalo sevule lamahofisi ko Bulawayo lase Zambia esebenzisa kakhulu indlela zakulezinsuku.

Ugatsha lweze ICT eZimbabwe luthi lukhuthaza ukuba abantu bephume lobuncitshi bokulungisa izinto bephinde benelise ukuthola imikambo yokuzithengisela emazweni womhlaba.

Ikholitshi leHarare Institute of Technology liphume le-app entsha
Ikholitshi leHarare Institute of Technology liphume le-app entsha

Ikolitshi le Harare Institute of Technology elikulumbukiso lalo lithi seliphume lohlwelo lwe app, elakho ukuba ingabona umuntu ihle ibemazi ethiwa yi Face Buzz Facial Recognition System.

Umnumzana Amos Wali waleli kolitshi uthi lindlela izaphathisa kakhulu abantu ezindlini zabo, kumabhizimusi kanye lasenkundleni zemidlalo. Uthi lindlela lokhe ingakafiki kubanga lokuthi ithengiselwe uzulu ngoba kusasekhona abakulungisayo.

Incitshi zithi ulwazi lwama ICT luyindlela evula amathuba amahle lusenza ukuba amabhizimusi labantu makhaza benelise ukuthola abangabe befuna ukukuthenga lendawo abangathengisela abakulungisayo ngokuphangisa bethola lolwazi ngasikhathi sinye.

UMangonda uthi ele Indonesia lingumzekeliso ongalandelwa nxa abantu bezinikele.

Abenhlanganiso yabalimi eyeZimbabwe Farmers Union labo kade bekhona kulumbukiso
Abenhlanganiso yabalimi eyeZimbabwe Farmers Union labo kade bekhona kulumbukiso

Inhlanganiso yabalimi eye Zimbabwe Farmers Union ngenye layo ebibukisa layo kulumbikiso ikhuthaza abalimi abasakhulayo ukuba belungusise lokho abakulimayo okufana lama tamatisi lamabanana ngendlela yokuwagoqela kakuhle i-packaging, ukuze ethengiswe ezitolo ekusimo esikhwabithekayo elentengo engcono.

Umbukiso lo ogqitshwe ngoLwesihlanu ungenwe zinhlanganiso lamankampani agoqela, i-Potraz, Telecel, Net-one, Huawei, Zimpost lamanye.

please wait

No media source currently available

0:00 0:04:07 0:00
Lapho esitholakala khona

XS
SM
MD
LG