amalinks wokungena

Breaking News

BCC: Gezisani Inkonxa Zokulondoloza Amanzi Ukwenqabela Umkhuhlane Wesihudo


Bulawayo City Council

Isibhedlela seMpilo sithi kubhubhe umfana oleminyaka elitshumi lantathu ngoLwesihlanu, njalo omunye oleminyaka elitshumi lasithupha-16, utshone ngoLwesithathu ngenxa yesihudo.

Ikhansili yakoBulawayo ithi isihlolisise amanzi ayo kulelidolobho yathola ukuthi akulampawu ezikhomba ukuthi alengcekeza engabangela umkhuhlane wesihudio, oqhamuke elokitshii le Luveve lamanye kulelidolobho.

Umabhalane omkhulu walikhansili uMnu. Christopher Dube usexwayise abahlali balelidolobho ukuthi beqaphele inkonxa lapho abagcina khona amanzi ukuthi zihlanzekile, ngoba amanzi ahlolwe kuzo yiwo atholakale elezibungwana ze bacteria okuyizo ezibangela isihudo.

Embikweni awethule ngoLwesihlanu ntambama, uMnu. Dube uthe akufanelanga abantu besebenzise izigubhu ebezilochago ngoba kunzima ukuzigezisa zitshene. Wengeze wathi imigqomo okugcinwa kuyo amanzi kufanele iqale igeziswe phakathi laphandle ingakalsetshenziswa.

Kubhubhe umfana oleminyaka elitshumi lantathu esibhedlela seMpilo koBulawayo ngesihudo ngoLwesihlanu, obikwa enathe amanzi angcolileyo elokitshini leLuveve, njalo omunye oleminyaka elitshumi lasithupha-16, utshone ngoLwesithathu ngesizathu esifanayo.

Osaphethe isikhundla sikamqondisi wogatsha lwezempilakahle kulesi isibhedlela uDokotela Xolani Ndlovu ugcizelelle loludaba, njalo wathi sokwelatshwe abantu abangamatshumi amabili lambili begula ngenxa yesihudo kumalanga ambalwa edluleyo

Isiphathamandla senhlanganiso yeBulawayo Progressive Residents Association, uMnu. Ambrose Sibindi uthi badinga isisombululo lekhansili yakoBulawayo ngaloludaba.

please wait

No media source currently available

0:00 0:02:34 0:00


Facebook Forum

XS
SM
MD
LG