Ikhansili yedolobho lakoBulawayo ithi ukusilela kwamafutha ezimota awedizili lephethulo okuselizweni sokubangele ukuthi imise okwesikhatshana inhlelo zokuchitha amanzi, ukulungisa izititshi ezidubukileyo, kanye lokuthwala abagulayo.
Embikweni owethulwe ngoLwesine, ikhanisli le ithi izaphathisa kunhlelo ezimbalwa kuphela ezibalisa ezengozi yemigwaqweni, abesifazana abazithweleyo okufanele baye ezibhedlela ngemva kokuhlolwa emakilinika ekhansili, lokunye.
Ngalokhu, ikhansili ithi abahlali balelidolobho bengathembi yona, kodwa bazidingele okunye okokusebenzisa, yona isazama ukuthola amafutha edizili lephethulo.
UNkosikazi Patrica Tshabalala, ongumsekeli kamgcinisihlalo wenhlanganiso yeBulawayo Progressive Residents Association uthi lokhu kuyadanisa ngoba ikhansili isanda ukukhuphula imithelo kulelidolobho.
