Abantu abalahlekelwa zimpahla kulandela izulu lesikhukhula eHwange ngenyanga edluleyo belokhu begcinwe eGuest House yenkampani yeHwange Colliery lakwezinye izindlu eCinderella, kanye leRailways, ngoba izulu lilokhu lisina okokuthi izindlu zabo azisoze zilungiswe ngokuphuthuma ukuthi bebuyiselwe kuzo.
Izindlu zabantu laba zagcwala amanzi, balahlekelwa zimpahla njalo baphakathi kokuthola usizo lwempahla zokusebenzisa, oluvela kuhulumende kanye lenhlanganiso ezizimeleyo.
EBinga, inhlanganiso ezizimeleyo, uhulumende, kanye labantu makhaza, baphakathi kokuqoqela kanye lokwabela abantu usizo oluphuthumayo kulindawo, ngoba bedilikelwe yizindlu njalo balahlekelwa zimpahla.
Ukuzwa okunengi okwenzakala eHwange, sixoxa loMnu. Thulani Moyo, osebenza lommeli weHwange Central edale lephalamende ekubandla leMDC.
Kusenjalo, inengi eNkayi, njengakwezinye izigaba zelizwe likhala ngendlala ngesikhathi umnotho welizwe uqhubeka usehla njalo izulu lingani ngemfanelo okokuthi kube lesivuno esithe xaxa emasimini.
Ukuze sizwe okunengi ngaloludaba, sixoxa loNkosikazi Sambulo Maphosa, isiphathamandla sebandla leMDC-T, njalo ehlala eSiphunyuka koChief Sikhobokhobo eNkayi.
