UMongameli weMelika uMnu Joe Biden uthi uzalaya zonke izabelo zelizwe lakhe ukuthi ziqalise ukuhlaba umuntu wonke ofunayo oleminyaka engu18 kusiya phezulu ijekiseni yokuvikela umkhuhlane weCovid-19 kusukela mhlaka 1 ngoNkwenkwezi.
Kumbiko awethule kumahola asanda kwedlula uBiden uthe njalo ngokusebenza nzima kukahulumende wakhe, kusiyaphela uNkwenkwezi eleMelika lizabe selilamajekiseni anela umuntu wonke kulelilizwe.
UBiden ucele njalo uzulu ukuthi alandele imigoqo yokwenqabela lumkhuhlane efana lokugqoka ama-mask.
Uthe kungenziwa lokho umkhuhlane lo wehle kakhulu, abantu balakho ukuvunyelwa ukuthi bahlangane bengamaqembu lemindeni ngelanga likazibuse elinanzwa mhlaka 4 ngoNtulikazi.
Ukuhlaziya amazwi kaBiden sixoxe lesizalwane seZimbabwe esihlala eTexas uMnu Garry Thwala Jackson yena othi ngempela abantu kumele balalele inkuthazo kaBiden ukuze unqotshwe lumkhuhlane.