amalinks wokungena

Breaking News

Biden: UTutu Wenza iMelika Yathathela Uhulumende Woncindezelo Amanyathelo


Flowers are placed alongside a photo of Anglican Archbishop Desmond Tutu at the St. George's Cathedral in Cape Town, South Africa, Dec. 26, 2021.

UMongameli weMelika uMnu Joe Biden usechaze uArchbishop Desmond Tutu njengomuntu wabantu obezinikele kunkulunkulu ngobuqotho.

UTutu ubhubhele ngakwakhe eCape Town ngeSonto eseleminyaka yokuzalwa engamatshumi ayisitshiyagalolunye, 90.

Utshiye umkakhe labantwana.

Emazwini akhe enduduzo, uBiden uthe yena lomkakhe baba lenhlanhla yokuhlangana kanengi loTutu, okugoqela ngo2010 lapho abamethekelela khona ngesikhathi semidlalo yeFifa Soccer World Cup.

Uthe isibindi sikaTutu sokumelana lohulumende wabelungu owayencindezela abensundu kweleSouth Africa singesinye sezizatho ezenza eleMelika lathathela lowo hulumende amanyathelo.

Wengeze wathi uTutu utshiye umzekeliso omuhle obukwa ngabanengi emhlabeni jikelele.

Amazwi kaBiden agcizelelwe ngabakhokheli bamazwe aphetsheya atshiyeneyo abagoqela uMnu Justin Trudeau oweCanada kanye loMnu Boris Johnson weleBhilithani.

Ababili laba bathe njalo uTutu ubengumlweli wamalungelo oluntu omkhulu obesaziwa njalo ngokukhulumeli abantu abancindezelweyo.

Ohlaziya ezombusazwe uMnu Mqondobanzi Magonya utshele iStudio 7 ukuthi ngempela imbali kaTutu yokulwela amalungelo oluntu kayibuzwa.

please wait

No media source currently available

0:00 0:03:15 0:00

Facebook Forum

XS
SM
MD
LG