amalinks wokungena

Umculi uBleck Hit Wethula Okungakhulunywa Emphakathini

  • Joseph Njanji

UBleck Hit utshaya ingoma eziveza okungakhulunywa ngabantu.

Kuliviki kuhlelo Woza Friday silomculi weHip Hop uBleck Hit yena ongatshayi inja efihla umphini kodwa okhuluma lokho okucatshangwa ngabantu kodwa besesaba ukuzikhulumela.

UBleck Hit ngumculi oleminyaka engamatshumi amabili lesithupha eyokuzalwa njalo ozalelwe elokitshini lase Luveve kodwa osehlala elokitshini le Cowdray Park.

Umculo wakhe ngowohlobo lwe Hip Hop. “IHip Hop yakhona iyi social commentary ngoba ngikhuluma ngezinto ezenzakalayo eziliqiniso. Kahle kahle khathesi ngipheka idlalade lami elakuqala engizalikhupha ngomnyaka ozayo. Ngingummeli wamalungelo abantu yikho Ie dlalade lami libizwa kuthiwa The Advocate.”

Esalungiselela ukukhipha idlalade lakhe leli uBleck Hit ube elokhu esipha abalandeli bakhe inzwisa yemisebenzi yakhe njalo ingoma eziphakelwe uzulu ensukwini ezedluleyo ngezigoqela esivule ngayo uhlelo ethi Street Hustle kanye lethiwa Abaprofethi.

nangu uBleck Hit oyethula okungakhulunywa emphakathini nxa ecula.
nangu uBleck Hit oyethula okungakhulunywa emphakathini nxa ecula.

“Kule ngoma ethiwa Thumb Generation ezakuba khona kudlalade njalo ekhuluma ngendlela abantu abasebenzisa kubi ngayo indlela zokukhulumisana ezisetshenziswa kulezinsuku ikanti khathesi esezitholakala kulethiwa Street Hustler ekhuluma ngesimo selizwe kube khona ethi Abaprofethi yona ekhuluma ngendlela abaprofethi abaphatha ngayo abantu. Eyinye engizayikhupha phambilini kokukhipha idlalade ngekhuluma ngabantu abaphila ngokuthengisa okutshiyeneyo ethiwa Vendors.”

Igama lika Bleck Hit elisesithupheni ngelithi Mninikhaya Lunga.

“Ibizo elithi Bleck livela embaleni wejwabu lami ngoba mina ngimnyama tshu njalo ngiyaziqhenya ngakho ikanti elithi Hit ngaliphiwa nguMalume ngoba ngisakhula ngangithanda ukutshaya abantu ngithe sengiqale ezomculo wasesithi uMalume kuhle ngoba khathesi usutshaya ingoma yikho okuvela khona leligama elithi Bleck Hit.”

UBleck Hit ucindezela eForefront Records etholakala endaweni eyaziwa ngokuthi kuse Kuvuki Land elokitshini le Cowdray Park esebenza lomngane wakhe uTaxi.

Facebook Forum

XS
SM
MD
LG