amalinks wokungena

Breaking News

Amankampani eBotswana Asungula Amabhizimusi Okuphathisa abeZimbabwe


Groceries

Ukonakala kwesimo somnotho eZimbabwe sokubangele ukuthi amanye amankampani kweleBotswana athathe lelithuba ukuvula amabhizimusi ngenjongo yokukhanga izizalwane zeZimbabwe kulelolizwe. Amanye amabhizimusi la, ngawokuthumela imali ekhaya.

Ukonakala kwesimo somnotho eZimbabwe sokubangele ukuthi amanye amankampani kweleBotswana athathe lelithuba ukuvula amabhizimusi ngenjongo yokukhanga izizalwane zeZimbabwe kulelolizwe. Amanye amabhizimusi la, ngawokuthumela imali ekhaya.

Umumo womnotho eZimbabwe uqala ukonakala ngomnyaka ka2000, kulandela isinqumo sikahulumende owayengumongameli, uMnumzana Robert Mugabe sokuthathela abamhlophe amapulazi amakhulu ngoba belamasimu amanengi bona bebalutshwa elizweni nxa kuqathaniswa labansundu abayibo abanengi kodwa bengela masimu.

Leli kwakulinyathelo elalisemukeleka kodwa inengi lithi okwalandelayo kwakuyibudlwangudlwangu bokuhluthunelwa kwabamhlophe ngodlakela lowo mhlabathi kungela nhlawulo abanye bebulawa abanye belinyazwa kakubi. Udlakela lokungahlaliseki kwezombusazwe okwadalwa yilesi sinqumo kwakhokhelela ekusileleni kwamathuba emsebenzi, okwachitha inengi leZimbabwe laphuma lagcwala amazwe angomakhelwane kanye lamanye angaphetsheya kolwandle ukuyadinga imisebenzi.

EleBotswana njengomakhelwane weZimbabwe, njalo lilesimo somnotho ongcono, lazibona lisamukela inkulungwane lenkulungwane zabeZimbabwe, bezodinga okungabaphilisa.

Noma nje ukungena kwabeZimbabwe kwacaphula abanye kweleBotswana, abathi bazobathathela imsebenzi, njalo abanye bedala amacala, olunye uhlangothi lwabona ithuba lokuthola ibhizimusi ebalethela inzuzo ngabokuza laba.

Inthathelizindaba eloba ngezamabhizimusi kweleBotswana, uNkosazana Pauline Dikuelo uthi ngesikhathi abanye bebona ukuphithizela kwabeZimbabwe bengena eBotswana, amanye amabhizimusi akhaliphileyo abona ithuba lokwenza imali.

"Ngesikhathi abanye bebona ukungena ngobunengi kwabeZimbabwe eBotswana, abakhaliphileyo babona ithuba lokwenza imali, balisebenzisa. Ungakhangela amakampani afana leBotswana Post, Western Union kanye le Orange, athatha amathuba ikakhulu ekwenzeni ukuthumela imali eZimbabwe ukuthi kubelula," kutsho uMaDikuelo.

Isizalwane seZimbabwe esisebenza eGaborone, uMnumzana Dumi Ncube laye ubona ukukhalipha kumankampani la.

"Lokhu kutshengisa ukukhalipha kulawo mabhizimusi abona amathuba. Kodwa ngabe abantu bakithi yibo abangemva kokuvulwa kwalamabhizimusi, ngoba amanengi akhona ayisiwo abantu beZimbabwe, abangatholi inzunzo ngokubakhona kwabanye babo eBotswana," kugcizelela uMnu. Ncube.

UMnumzana Mthabisi Dube uthi ukuvulwa kwamabhizimusi akhangelane labeZimbabwe kwenza impilo ibelula, kodwa kalaqiniso lakusasa yala amabhizimusi uma umnotho weZimbabwe ungalunga:

"Linyathela elihle, siyakwamukela. Kwenza impilo zethu zibe lula, okufana lokuthenga imphahla esitolo seChoppies umuntu ayithathe ekhaya kumbe ukuthumela imali ngabo Western Union, Mukuru labo Orange Money. Kodwa umbuzo okhona yikuthi zingaqhubeka ziphila na uma ekhaya kungalunga masinya."

Kulenkulungwane lenkulungwane zemali ethunyelwa ekhaya iphuma eBotswana, eyingxenye ebambe umnotho weZimbabwe, ngokuthiwa ngama Diaspora Remittances.

Inkampani yesitimela kaloliwe, eyeBotswana Railways, ilesitimela esigijima nsukuzonke phakathi kwedolobho leFrancistown lelakoBulawayo, kukanti inkampani eyeBotswana Life Insurance, layo ilokuphathelane lokuphathisa, abeZimbabwe ngesikhathi sezimfa lokuhambisa izidumbu ekhaya.

Amabhasi amanengi ahamba phakathi kweGaborone, koBulawayo kanye leHarare.

please wait

No media source currently available

0:00 0:03:38 0:00

Kusenjalo, sixoxe lesizalwane seZimbabwe esihlala edolobheni leNew York khonapha eMelika uNkosikazi Tsitsi Chirisere olwela ilungelo loluntu ukuze sizwe imbono yakhe ngomumo wezombusazwe lowezomnotho eZimbabwe, selokhu umongameli Emmerson Mnangagwa wathatha intambo zombuso.

please wait

No media source currently available

0:00 0:05:00 0:00

Facebook Forum

XS
SM
MD
LG