amalinks wokungena

Breaking News

BPRA: Umumo Osezibhedlela Uqhubeka Usiba Mubi Ngenxa Yokukhalala Umsebenzi Kwabodokotela


Umsekeli kamgcinisihlalo wenhlanganiso yeBulawayo Progressive Residents Association uNkosikazi Patricia Tshabalala uthi belokhu bezama ukukhulumisana lekhansili yalelidolobho ukuthi ivule amakilinika ayo ilanga lonke kanye lebusuku kulokuvala masinya.

Ngesikhathi odokotela abasafundela umsebenzi beqhubeka ngokukhalala umsebenzi elizweni lonke, inhlanganiso elwela amalungelo ezakhamizi eyeBulawayo Progressive Residents Association ithi umumo wezempilakahle kulelidolobho usukuzinga elibi.

Umsekeli kamgcinisihlalo walinhlanganiso uNkosikazi Patricia Tshabalala uthi belokhu bezama ukukhulumisana lekhansili yalelidolobho ukuthi ivule amakilinika ayo ilanga lonke kanye lebusuku kulokuvala masinya.

Odokotela bathi bafuna ukwengezelelwa ama allowances abo njalo bethole impahla zokusebenzisa ezibhedlela.

Batshengisele kuviki edluleyo, bexhaswe ngezinye izisebenzi kwezempilakahle, besola abathi yikuthunjwa komunye wabo, uDokotela Peter Magombeyi, yena osetholakele.

UNkosikazi Tshabalala uthi abesifazana ababelethayo kanye labagula kakhulu basenkingeni.

please wait

No media source currently available

0:00 0:02:58 0:00


XS
SM
MD
LG