Umeli wesigodlo seMelika eZimbabwe uMnu. Brian Nichols uthi uhlangane lomphathintambo obona ngobudlelwano lamanye amazwe uMnu. Sibusiso Moyo ngoLwesihlanu eHarare lapho athe uyathokoza ngokwesulwa kwamacala abesetheswa intathelizindaba kanye lesiphathamandla emthethwandaba.
Laba babalisa uMnu. Godfrey Kurauone, uFrank Chikowore loSamuel Takawira, bona ukubotshwa kwabo okwasolwa ngabanye abalwela ilungelo loluntu besithi amacala abawetheswayo ngaqokuzibazela.
Embikweni awethuleyo ngemva kwalumhlangano, uMnu. Nichols uthi ugcizelele ukuqakatheka kokuhlonitshwa kwelungelo loluntu njalo wabuka uhulumende ngokusungula umthetho wokuncedisa abalimi abathathelwa amapulazi owe Global Compensation Deed.
UMnu. Moyo laye wethule umbiko egcizelele ukuthi ngempela uhlangene loMnu. Nichols.
Ukuhlaziya loludaba, sixoxa loMnu. Bekezela Maduma Fuzwayo, ingcwethi ecubungula ezombusazwe.