amalinks wokungena

Breaking News

Britain: Kumele iEU Inxuswe Ukuzebona Ngokhetho

  • Ntungamili Nkomo

EleBhilithani liyawasola amazwi kamphathintambo obona ngobudlelwano beZimbabwe lamanye amazwe uMnu Simbarashe Mumbengegwi okuthi uhulumende kasoze anxuse amazwe angentshonalanga ukuthi azebona ngokuqhutshwa kokhetho.

UMumbengegwi wethule amazwi le ngoMvulo, egcizelela imbiko ehlezi isethulwa ngamalunga ebandla lakhe leZanu PF.

Lelibandla lithi amazwe angentshonalanga afakela iziphathamandla zalo izijeziso zenotho, afana leMelika leBhilithani, kasoze anxuswe ukuzebona ngokuqhutshwa kwe-Referendum kanye lokhetho.

Kodwa ummeli weleBhilithani eZimbabwe uAmbassador Deborah Bronnert usole kakhulu amazwi la ngoLwesibili ekhuluma lentathelizindaba eHarare.

UNkosikazi Bronnert uthe uhulumende engaba enze iphutha elikhulu kakhulu alubana ethe wekela ukunxusa abavela ngentshonalanga, ikakhulu abomanyano weEuropean Union njengokutsho kukaMumbengegwi.

Wengeze wathi nxa uhulumende ezimisele ukuqhuba ukhetho olukhululekileyo, kumele avumele bonke abalesifiso sokuzebona ngokuqhutshwa kwalo.

Amazwi kaBronnert agcizelelwe yisikhulumeli seMDC uMnu Nhlanhla Dube, yena othi ibandla lakhe alivumelani lamazwi kaMumbengegwi kanye leZanu PF.

please wait

No media source currently available

0:00 0:02:39 0:00
Lapho esitholakala khona
Isiphathamandla seMDC-T uMnu Abednico Bhebhe laye usole amazwi kaMumbengegwi esithi ibandla lakhe lizalwisa kuCabinet ukuthi bonke abafun'kuzebona ngokuqhutshwa kokhethe banxuswe.
please wait

No media source currently available

0:00 0:02:30 0:00
Lapho esitholakala khona
XS
SM
MD
LG