amalinks wokungena

Breaking News

EleBhilithani Leboleka iZimbabwe i$100 Million


MH 370 British flag

Iphephandaba leFinancial Times lithi ugatsha lukahulumende weBhilithani olubona ngokuthuthukiswa kwamabhizimusi asezwekazi leAfrica laseSouth Asia olweCDC yilo oluqoqa isikwelede lesi luncedisana lebhanga leStandard Chartered.

Uhulumende weBhilithani uthi uphakathi kokweboleka eleZimbabwe imali engena kuzigidi ezilikhulu zamadollar, i$100 million, ezasetshenziswa ukuvuselela amankampani azimeleyo.

Iphephandaba leFinancial Times lithi ugatsha lukahulumende weBhilithani olubona ngokuthuthukiswa kwamabhizimusi asezwekazi leAfrica laseSouth Asia olweCDC yilo oluqoqa isikwelede lesi luncedisana lebhanga leStandard Chartered. Lokhu ngokwakuqala eminyakeni eminengi edluleyo ukuthi uhulumende waseBhilithani aboleke eleZimbabwe imali.

Amazwe womabili axabana ngodaba lokuthathelwa kwabalimi abamhlophe amapulazi nguhulumende kaMugabe lokwephulwa kwamalungelo oluntu.

Esinye isiphathamandla sogatsha lweCDC sithi uhulumende weBhilithani uqale ukulungiselela ukukweleda iZimbabwe imali le kulandela ukugenqulwa kombuso kaMnu. Robert Mugabe nyakenye. Uthi okwamanje baphakathi kokukhangelisisa ukuthi yiwaphi amankampani eZimbabwe azayithola limali.

Amabandla aphikisayo ayalisola inyathelo leli esithi uhulumende weBhilithani usekela uhulumende kamongameli Mnangagwa okusegcekeni njalo ukhanya efuna ukuthi anqobe kukhetho. Ingcwethi kwezombusazwe uDr Nkululeko Sibanda uthi uvumelana lalumbono.

please wait

No media source currently available

0:00 0:02:27 0:00

Facebook Forum

XS
SM
MD
LG