amalinks wokungena

Breaking News

UPrince Harry Utshada LoMeghan Markle Wakwele Melika


UMeghan Markle ugade inqola yesikhosini edonswa ngamahatshi ...

UNkosana Harry wakwele Bhilithane ngoMgqibelo utshade lomlingisi uMeghan Markle wakwele Melika ngoMgqibelo esigodlweni seNdlovukazi yaseBhilithane eWindsor Castle duzane ledolobho leLondon.

Abanye abasemtshadweni ...
Abanye abasemtshadweni ...

UPrince Charles nguye ophelekezele umalukazana wakhe uMeghan esiya mnikeza umntanakhe, uNkosana Harry, eSt. George's Chapel ngemva kokwehluleka ukubuya kukayise kaMeghan, uMnu. Thomas Markle, kulandela ukugula kwakhe ngesifo senhliziyo okumenze walalliswa esibhedlela.

Izigidi lezigidi zabantu emhlabeni wonke jikelele bezibukele kubomabonakude kukanti inkulungwane lenkulungwane behlele kudolobho elincane leWindsor lapho abame emigwaqweni befuna ukuthi tshazi abatshadayo.

Bekulabantu abanengi emtshadweni wesikhosini.
Bekulabantu abanengi emtshadweni wesikhosini.

Ababili laba bahlanganiswe phambi kwabantu abangamakhulu ayisithupha okuhlanganisela INdlovukazi uQueen Elizabeth wase Bhilithane, ongugogo kaHarry, abadumileyo emhlabeni, abangane babo kunye labanengi abasebenzela ukuthuthukisa lokusiza uzulu.

Ngemva kokuhlanganiswa kwabo, uNkosana Harry loMeghan asebezabizwa ngokuthi nguDuke loDuchess of Sussex, bagade inqola edonswa ngamahatshi bebhoda emigwaqweni yedolobho leWindsor bebonisa uzulu ukuthokoza kwabo ngelanga labo elikhulu.

Banengi kakhulu abantu abahambe emtshadweni kaPrince Harry loMeghan Markle.
Banengi kakhulu abantu abahambe emtshadweni kaPrince Harry loMeghan Markle.

Sihlangane loMnu. Zibusiso Ncube oyisizalwane seZimbabwe kulumcimbi.

“Emtshadweni bekumnandi … Bekumnandi njalo umakoti ebegqoke kahle. Into yonke ibukeka. Ilanga lalo liphumile. Sikholisile sibili, sikholisile, sikholisile, sikholisile. I don't know ukuthi kuzaba lesikhathi esingakanani ukuthi siphenduke futhi sizokholisa kanje. Sibafisela inhlanhla.

Abasemtshadweni kaPrince Harry loMeghan Markle ...
Abasemtshadweni kaPrince Harry loMeghan Markle ...

Omunye obesemcimbini lo yisizalwane seSouth Africa uBuhle Tshabalala. “… Silana emshadweni kaPrince Harry loMeghan Mackle lana eWindsor UK England. Sithi iNkosi ibabusise emshadweni wabo.”

Bebebanengi abantu abamnyama abaze ngobunengi babo kulumtshado ukuzosekala uMeghan. Nangu omunye njalo odabuka eZimbabwe.

“Mina nginguMaNyathi. Ngilapha emtshadweni wesikhosini siyajabula ukubona umuntu wesintwini etshada esikhosini. Sijabulile kakhulu ngengoba lisizwa abantu bekhuluma. Sibanengi. Sibafisela inhlanhla.”

NgoMgqibelo ntambama kwenziwe umcimbi omkhulu lapho abangane baka Prince Harry loMeghan kunye labadumileyo kwezomculo, ezemidlalo, abalingisi okugoqela uNkosazana Opprah Winfrey, uMnu. George Clooney, Serena Williams, Elton John labanye abanengi abathokoze khona.

Udaba Esilethulelwe NguEzra Tshisa Sibanda
please wait

No media source currently available

0:00 0:02:35 0:00

Facebook Forum

XS
SM
MD
LG