Umanyano wamabandla aphikisayo, oweMDC Alliance usole uluhlu lwendleko zikahulumende, inational budget eyethulwe ngumphathintambo wezemali uMnu. Patrick Chinamasa ngolweSine usithi amalunga awo asedale lephalamende kawasoze ayisekele kumbe ayivotele.
Ekhuluma emele lumanyano lamuhla eHarare, umkhokheli webandla lePDP uMnu. Tendai Biti, uthe kaboni uhulumende wezanu pf elandela konke okuthenjiswe nguChinamasa.
UMnu. Biti wengezelele wathi uhulumende okhona kakho emthethweni ngakho kumele kwenziwe ukhetho olukhululekileyo.
Kusenjalo, izisebenzi zikahulumende zithi akukho okunengi okuthabisayo ngoluhlu lwebudget, ngoba lanxa bezathola imali yebonus, iyabe isiphuzile njalo lamandla ayo esephansi.
Isiphathamandla senhlanganiso elwela amalungelo ababalisi eye Progressive Teachers’ Union of Zimbabwe eMatabaleland North, uMnu. Never Nyahunzvi, utshele uSithandekile Mhlanga weStudio7 ukuthi abakwamukelayo yikuthi kukhutshwe izisebenzi zikahulumende ezaziwa ngamabizo kuphela, ama ghost workers.
