amalinks wokungena

Breaking News

Ukhetho Lwamaprimaries eMDC-T Luyamiswa EBudiriro


Nelson Chamisa

Abasakhulayo abakuward 43 bavimbe isango lokungena eBudiriro 1 Community Hall, besithi bafuna kwenziwe ukhetho lokudinga ozamela isigaba hatshi olwama khansila kuphela

Kube lokuxokozela kwezinye izigaba zelizwe lapho ibandla leMDC-T elikhokhelwa nguMnu. Nelson Chamisa liqhuba ukhetho lwama primaries, lanxa kwezinye izigaba uhlelo lolu luqhubeke kuhle.

EBudirio 1 Community Centre, abasekeli balelibandla ku ward 43 bamise lolukhetho bathi alusoze luqhubeke ngoba kufakwe abantu abangabafuniyo. EManicaland, ukhetho lolu alusaqhubekanga ngoba abakade bekhangelelwe ukuluqhuba bengekho.

Abasakhulayo abakuward 43 bavimbe isango lokungena eBudiriro 1 Community Hall, behlabela, besithi bafuna kwenziwe ukhetho lokudinga ozamela isigaba hatshi olwama khansila kuphela njengalokho obekubikwe yiziphathamandla zalelibandla ebeziqhuba lolukhetho.

Lezi iziphathamandla bezizihlalele phakathi kwewolu, ngesikhathi kulalokhu ukuxokozela phandle, lapho obekusenzelwa khona lolukhetho e Budiriro.

Omunye wabakhulumisane lalumsakazo ngesikhathi kusalindelwe ukuxazulula loludaba ngu Nkosikazi Kate Mpengesi.

Amazwi akhe asekelwe Nkosikazi Sikhangezile Mpofu,obezophatheka kulolukhetho lwama Primaries e Budiriro.

Intathelizindaba bezingafunakali kulomhlangano kuthiwa ngabathengisi be Zanu PF. Abanye bazame ukuhlasela lintathelizindaba kodwa besaba ngoba sebethuselwe ngu Constable Kahiya wenkambeni yamapholisa ye Glenview.

Ngesikhathi loludaba lulotshwa bekungakazakali ukuthi luzokwenziwa na lolukhetho loba hatshi ngoba abakade bevimbe esangweni bebesemba phansi besithi kabafuni kunikezwa abantu abavelela emahofisini amakhulu, kodwa bafuna inkokheli abazikhethela yona.

please wait
Embed

No media source currently available

0:00 0:03:02 0:00

Facebook Forum

XS
SM
MD
LG