amalinks wokungena

Breaking News

Iyaqela Imikhankaso Yokulondoloza Amanzi koBulawayo


tap water

Kubikwa kuzagqokwa impahla zombala wesibhakabhaka ngoMvulo wokuqala nyangazonke ukugcizelela udubo lwamanzi olukulelikuleli dolobho.

Kulandela ukusungulwa ngokusemthethweni komkhankaso wokulondolozwa kwamanzi edolobheni lakoBulawayo ngoMvulo ophiwe igama lokuthi yi “Blue Monday,” izakhamizi zalelidolobho zithi zizimisele ukuncedisana lekhansili yakoBulawayo ukuthi ifeze izinqumo zayo ngaphansi kwaloluhlelo.

Umayor wakoBulawayo uMnu. Patrick Thaba Moyo ubikwa etshele izakhamizi ukuthi ngaphansi kwaloluhlelo, kuzaqoqwa imali yokuphutshisa inhlelo zamanzi kulelidolobho.

Izakhamizi, osomabhizimusi, abantwana besikolo, labanye bazabe begqoka impahla zombala wesibhakabhaka oyiblue, ngoMvulo wokuqala nyangazonke ukutshengisela ukuthi udubo lwamanzi lusesibangeni esibi kulelidolobho.

Amanzi lokhu evulwa okwelanga elilodwa ngemva kwensuku ezintathu evaliwe kulelidolobho ngoba amadamu athenjiweyo koBulawayo esemumethe amanzi amalutshwana.

UMnu. Roderick Fayayo, isiphathamandla senhlanganiso elwela amalungelo ezakhamzi eye Bulawayo Progressive Residents Association utshele uSithandekile Mhlanga weStudio 7 ukuthi kusobala ukuthi inhlelo eziqhutshwa kulelidolobho zizakwenza umumo wokuswelakala kwamanzi ubengcono.

please wait

No media source currently available

0:00 0:02:03 0:00
Lapho esitholakala khona
XS
SM
MD
LG