WASHINGTON —
Abahlali bakoBulawayo bathi sebethola amanzi lula kulandela ukuvalwa kwawo yikhansili yalelidolobho okwamalanga edlula afika phose itshumi kusalungiswa isititshi seCriterion Water Works kumaviki amabili edluleyo.
Isiphathamandla senhlanganiso yeBulawayo United Residents Association uMnu. Winos Dube uthi uhlupho olulokhu luphikelela ngolokuswelakala kwamagetsi lokunye.
Uthi okudanisayo yikuthi lanxa umphathintambo obona ngezamandla amagetsi uMnu. Fortune Chasi wathembisa ukuthi uzalungisa loluhlupho, akukabonakali umahluko.
UMnu. Chasi wayevakatshele edolobheni lakoBulawayo kumaviki ambalwa edluleyo, lapho axoxisana khona lezakhamizi labanye, ngaloludaba.