amalinks wokungena

Breaking News

Renewal Team: Sesinqume Ukuncintisa Kukhetho LwamaBy-Elections


MDC Renewal Team

Abanye abazancintisa koBulawayo babalisa uMnu. Tshinga Dube, Ntandoyenkosi Mlilo, Joseph Tshuma, Godfrey Malaba, lo Maidei Mpala.

Ibandla leZANU PF esigabeni sakoBulawayo seliqedisile uhlelo lokukhetha abazancintisa ezigabeni ezinhlanu kulelidolobho njengeminye yamalungiselelo okhetho lokudinga amalunga edale lephalamende azagcwalisa izikhexe ezadalwa yikuxotshwa kwamalunga eZanu PF amabili, kanye lawe MDC-T aseku Renewal Team.

Abazancintisa babalisa uMnu. Tshinga Dube, Ntandoyenkosi Mlilo, Joseph Tshuma, Godfrey Malaba, lo Maidei Mpala, bona abazancintisa eMakokoba, Luveve, Pelandaba-Mpopoma, Pumula, leLobengula ngokulandelana kwabo.

Lokhu kwenzakala idale leNomination Court likhangelelwe ukuhlala ngoLwesine.

Amalunga e-MDC-T abikwa ekhonona ngesinqumo esithethwe yilelibandla esokungaphatheki kulolukhetho, esithi kuyafanana lokuqhubela nje izihlalo zakoBulawayo kubandla leZANU PF, elingakaze linqobe kukhetho lokudinga amalunga ephalamende kulesi isigaba kusukela ngokhetho lomnyaka ka 2002 ngaphambilini kokubunjwa kwebandla leMDC-T.

UMnu. Tshinga-Dube utshele uSithandekile Mhlanga weStudio 7 ukuthi kusobala ukuthi ibandla lakhe lizanqoba.

Kusenjalo, ibandla leRenewal Team lithi lilokhu belisemhlanganweni wesiphange-phange ngoLwesithathu ntambama, lapho elicubungula khona ukuthi amalunga alo ancintise ezimele kumbe ngaphansi kwebizo elithi United MDC, eliyilo elilotshwe kungwalo zenhlanganiso ebona ngokuqhutshwa kokhetho eye Zimbabwe Electoral Commission.

please wait

No media source currently available

0:00 0:01:54 0:00
Lapho esitholakala khona

XS
SM
MD
LG