amalinks wokungena

Breaking News

Supreme Court: Udaba Lwama By-Elections Kufanele Luthethwe Ngesiphange-phange

  • Sithandekile Mhlanga

court

Lokhu kubikwe ngamagqwetha amela ababengamalunga edale lephalamende abaxotshwa kuMDC ekhokhelwa nguMnu Welshman Ncube ngo2009

Amagqwetha amela ababengamalunga edale lephalamende abaxotshwa kucele le MDC elikhokhelwa nguMnu. Welshman Ncube ngomnyaka ka 2009 athi umthethwandaba we Supreme Court usuvumile ukuhluza ngesiphange-phange udaba abalukhweze edale lokuthi kuqhutshwe ukhetho ezigabeni ababezimela.

Amalunga la abalisa uMnu. Abednico Bhebhe, Njabuliso Mguni, lo Norman Mpofu ababemele i Nkayi South, Lupane East, le Bulilima East edale lephalamende. Abathathu laba baxotshwa kuMDC kaNcube kanye lasedale lephalamende ngoba basebethethe inyathelo lokubuyela kucele le MDC elikhokhelwa nguMnu. Morgan Tsvangirai.

Abathathu laba bamangalela uMongameli Robert Mugabe kanye lenhlanganiso yeZimbabwe Electoral Commision-ZEC ngokwehluleka ukuqhuba ukhetho ngemva kwenyanga ezintathu izigaba lezi zingelabameli njengalokho okumunyethwe yisisekelo sombuso.

UMnu. Bhebhe utshele uSithandekile Mhlanga weStudio 7 ukuthi amagqwetha abo abazise ukuthi umthethwandaba waphezulu usalungisa amaphepha adingakalayo akhangelelwe ukuphuma ensukwini ezinhlanu ezilandelayo andubana udaba lolu luhluzwe.

UBhebhe uphinde wachasisa izehlakalo zonke ezandulele isinqumo esitsha lesi.

please wait

No media source currently available

0:00 0:02:32 0:00
Lapho esitholakala khona
XS
SM
MD
LG