amalinks wokungena

Breaking News

Kuzancintisa Amabandla Amane kuWard 7 eGwanda Kukhetho Lwama By-elections


Abazancintisa kukhetho lukakhansila kuWard 7, uMnu Vusani Mhlanga oweMDC Alliance, uMnu Jastone Mazhale oweCCC, uMnu. Thembelani Mathuthu oweZanu PF loMnu. Lizwe Nyathi oweZAPU besedale leNomination Court.

Idale leNomination Court eGwanda liyamukele amaphepa alabo abafisa ukuncintisa kukhetho lukakhansila kuWard 7 eGwanda lamhlanje.Lokhu kulandela ukuxotshwa kwayenguMeya weGwanda uMnu Jastone Mazhale libandla leMDC T esetheswa umlandu wokusekela ibandla leMDC Alliance ebelikhokhelwa nguMnu Nelson Chamisa lingakaliguqulwa ibizo selibizwa

Amabandla ezombusazwe azancintisa kukhetho lokudinga ukhansila kaWard 7 eGwanda agoqela eleCitizens Coalition for Change elikhokelwa nguMnu. Nelson Chamisa, eleMDC Alliance elikhokhelwa nguMnu. Douglas Mwonzora, eleZanu PF elikhokhelwa nguMongameli Emmerson Mnangagwa kanye lele ZAPU elikhokhelwa nguMnu. Sibangilizwe Nkomo.

Ngemva kokwethula amaphepha akhe kudale leNomination Court owayenguMeya weGwanda uMnu Jastone Mazhale owebandla leCCC uthi kuye leli lithuba lakhe lokuqedisa indima ayeseyiqalile engakaxotshwa.

"Thina siqedisa indima esayiqandayo, zonke inhlelo esazivumelanayo lezakhamizi zikaWard 7 yinto esiyilande ukuthi siyiphuthume njalo sesihamba ngesiqubu esikhulu ngoba kumele sizame ukuthi sibambe isikhathi esalahlekayo."

UMnu. Vusani Mhlanga owake waba ngukhansila weGwanda owebandla leMDC A ngomunye laye ofake amaphepha akhe.

"Okunye yizikhalazo zabantu ukuthi ziyefika eKhansilini, ngemva kokukhethwa nxa ngingaphumelela ngizahlala phansi labantu sibone ukuthi singenza njani."

UMnu Lizwe Nyathi owebandla leZAPU uthi uzasebenzelana lozulu ukuqhuba inhlelo zikaWard 7.

"Thina amaproblems esilayo njengezakhamizi zikaWard 7 siyazazi, asisebenzeni ndawonye sithuthukise isigaba sethu."

UMnu. Thembelani Mathuthu ozamela iZanu PF uthembise ukuthuthikisa iWard 7.

"Silama challenges amanengi, ungahamba ewadini uyathola ukuthi isewage iyageleza, akula malayiti ogogo akulamuntu obasizayo ngiyathembisa ukulungisisa lezinkinga."

Ukhetho lokudinga ukhansila kaWard 7 luzaqhutshwa mhla zimatshumi mabili lasithupha kunyanga kaMbimbitho.

Facebook Forum

XS
SM
MD
LG