Umphathintambo kahulumende obona ngokwenzakala elizweni, uMnu. Cain Mathema, uthi abantu abangamakhulu azinkulungwane - 100,000 - bazathola ingwalo zabo zokuhambisa ezama passports kungakapheli wonalo umnyaka.
Ekhuluma lentathelizindaba namuhla, uMnu. Mathema uthe ngemva kwalokho, inani lengwalo ezilungiswayo lizaphindwa kabili ngoba uhulumende usethole impahla zokusebenzisa kuloluhlelo, ezibalisa amaphepha, imitshina, lokunye.
Uqhubeke wathi izizalwane zeZimbabwe ezihlala kwamanye amazwe zizathola lula ingwalo zamapassports, ezokuzalwa, kanye lezithupha kuloluhlelo.
UMnu. Mathema uthi uhulumende useqedisa ukwakha indawo zokulungisa lezi ingwalo eMurewa, eWedza, leGoromonzi, njalo ngomnyaka ozayo kuzaqhutshwa uhlelo olufanayo eKadoma, Insiza, leBindura.
Ukuze sihlaziye loludaba sixoxe loMnu. Vumani Ndlovu isiphathamandla senhlanganiso yeRural Communities Empowerment Trust.
