Inhlanganiso yabosomabhizimusi eyeRetailers Association of Zimbabwe ithi ukuqonga kwentengo yempahla elizweni kubangelwa yikukhuphuka kwendleko yamafutha ephethulo kanye lokuswelakala kwemali yakwamanye amazwe, ngakho uhlupho lolu alusoze luphele kungalungiswanga imbangela yalo.
Ekhuluma leStudio 7 lamuhla, umgcinisihlalo walinhlanganiso, uMnu. Denford Chimutashu uthi, ezinye impahla, okungamelanga zidule, ezigoqela inyama, baziwoda phandle kwelizwe, okubangela ukuthi intengo yazo ikhuphuke.
UMnu. Ambrose Sibindi, isiphathamandla senhlanganiso ye Bulawayo Progressive Residents Association, uthi izakhamizi zithwele amagabha avuzayo ngokukhwezwa kwentengo yempahla.
Umphathintambo kahulumende obona ngezokuthengiselana uMnu. Mike Bimha usegcizelele amazwi kamongameli Mnangagwa awokuthi uhulumende uzathatha inyathelo lokuvimba ukukhwezwa kwentengo yempahla mahlayana.
Kodwa uMnu. Prince Dubeko Sibanda, ummeli we Binga South edale lephalamende uthi imizamo kamongameli Mnangagwa izakuba yize.
UKhansila Brenda Mpofu weNkayi ku ward 23 eMlume 2 uchasisa ngokukhwela kwentengo yempahla kanye lokuswelakala kwemali emaphandleni.