amalinks wokungena

Breaking News

CCZ: Imuli Elabantu Abayisithupha Idinga iZ$21,000 Ukuze Iphile Kuhle Ngenyanga


Two elderly women shop for mealie meal and other basic commodities, March 14 2019, in the Mutoko rural area of Zimbabwe. Eastern Zimbabwe receives help to fight drought induced hunger.

Inhlanganizo elwela amalungelo abathengi iConsumer Council of Zimbabwe (CCZ) ithi imuli elabantu abayisithupha idinga imali engangeZ$20,985 ukuze yenenise ukuhlawulela indleko zayo ngenyanga.

Kumbiko ewethule izolo inhlanganiso le ingxenye yalimali eqondane lokudla kuphela yiZ$11,300.

Ekhangelane lamasepa okugeza lawokuwatsha yiZ$1,059 kuthi eyendleko ezifana le-rent, inhlawulo yesikolo, amanzi lokunye yiZ$8,600.

Inhlanganiso zezisebenzi zithi okudanisayo yikuthi izisebenzi zihola imali ephansi kakhulu kulale ekhulunywa yinhlanganiso yeCCZ.

Ababalisi, bona abaphakathi kokukhalala umsebenzi bathi bahola imali ephakathi kweZ$3,000 leZ$4000 kuphela.

Ugatsha lukahulumende olubona ngezamanani olweZimbabwe National Statistics Agency (ZimStats) lwethule umbiko kumaviki edluleyo lusithi imuli yabantu abahlanu idinga iZ$17,000 ngenyanga.

Ingcwethi kwezenotho uMnu Masimba Kuchera utshele iStudio 7 ukuthi uzulu weZimbabwe jikelele uthwele nzima ngoba balutshwana abantu abayiholayo imali ekhulunywa yiCCZ leZimStats.

please wait

No media source currently available

0:00 0:01:40 0:00

Facebook Forum

XS
SM
MD
LG