WASHINGTON —
Umhleli wephephandaba le The Herald u Ceasar Zvayi usemiswe umsebenzi okwesikhatshana phezu kodaba oluphume kuleliphephandaba izolo oluthi owayengusibalukhulu webhanga lelizwe ele Reserve Bank uMnu. Gideon Gono useqhatshe unobhala jikelele we MDC-T uMnu. Tendai Biti oligqwetha ukuthi amele emthethwandaba kucala aletheswayo elokungethembeki.
Owayengumcebisi kaMnu. Gono ebhanga le Reserve, uMnu. Munyaradzi Kereke wethesa uGono icala lokutshontsha imali edlula izigidi ezingamatshumi amathathu lambili zamadollar.
Isiphathamandla seZIMPAPERS uMnu. Pikirai Deketeke usefakazile ukumiswa kuka Zvayi umsebenzi, waxolisa kuMnu. Gono loMnu. Kereke ngathi akulotshwanga kuhle ngobudlelwano babo lebandla leZANU PF.
UDeketeke wengezelele wathi i Herald ilobe ukuthi ibandla le ZANU PF lithukuthele kakhulu ngesenzo sikaMnu. Gono, yena olilunga lalelibandla ngoba esecupha mganu munye lezitha, khona osekulandulwe yiziphathamandla zalelibandla.
UMnu. Jonathan Moyo, umphathintambo obona ngezokwethulwa kwembiko laye elilunga le ZANU PF lamuhla wethule umbiko esithi uMnu. Gono ulelungelo lokudinga amfunayo ukuthi ammele.
Ukuhlaziya loludaba sixoxe loMnu. Zenzele Ndebele, ingcwethi kwezokwethulwa kwemibiko.
UMnu Ndebele utshele uSithandekile Mhlanga weStudio 7 ukuthi uZvayi uzifice ephakathi kwenkunzi ezilwayo kubandla le ZANU PF.
UMnu. Gono loMnu. Biti labo sebezilwele kuloludaba besithi abakwenzayo kulungile. Lokhu kwenzakala lanxa iMDC-T yayisola inhlelo zikaMnu. Gono ngaloludaba. Kodwa lelibandla lalo lithe alisoli ukuthi uMnu. Biti uvumile ukumela uMnu. Gono ngoba kuvele kungumsebenzi wakhe njengegqwetha ukumela abantu.
Owayengumcebisi kaMnu. Gono ebhanga le Reserve, uMnu. Munyaradzi Kereke wethesa uGono icala lokutshontsha imali edlula izigidi ezingamatshumi amathathu lambili zamadollar.
Isiphathamandla seZIMPAPERS uMnu. Pikirai Deketeke usefakazile ukumiswa kuka Zvayi umsebenzi, waxolisa kuMnu. Gono loMnu. Kereke ngathi akulotshwanga kuhle ngobudlelwano babo lebandla leZANU PF.
UDeketeke wengezelele wathi i Herald ilobe ukuthi ibandla le ZANU PF lithukuthele kakhulu ngesenzo sikaMnu. Gono, yena olilunga lalelibandla ngoba esecupha mganu munye lezitha, khona osekulandulwe yiziphathamandla zalelibandla.
UMnu. Jonathan Moyo, umphathintambo obona ngezokwethulwa kwembiko laye elilunga le ZANU PF lamuhla wethule umbiko esithi uMnu. Gono ulelungelo lokudinga amfunayo ukuthi ammele.
Ukuhlaziya loludaba sixoxe loMnu. Zenzele Ndebele, ingcwethi kwezokwethulwa kwemibiko.
UMnu Ndebele utshele uSithandekile Mhlanga weStudio 7 ukuthi uZvayi uzifice ephakathi kwenkunzi ezilwayo kubandla le ZANU PF.
UMnu. Gono loMnu. Biti labo sebezilwele kuloludaba besithi abakwenzayo kulungile. Lokhu kwenzakala lanxa iMDC-T yayisola inhlelo zikaMnu. Gono ngaloludaba. Kodwa lelibandla lalo lithe alisoli ukuthi uMnu. Biti uvumile ukumela uMnu. Gono ngoba kuvele kungumsebenzi wakhe njengegqwetha ukumela abantu.