Inengi labalwela amalungelo abesifazana selincome uhlelo lukahulumende olokuvikela umkhuhlane wemvukuzane yesibeletho i-cervix cancer, olusungulwe nguhulumende ngokusemthethweni eDulibadzimu Stadium eBeitbridge.
Ekhuluma emkhosini wokusungula loluhlelo, umphathintambo obona ngezempilakahle uDokotela David Parirenyatwa uthe uhlelo lolu luzaphathisa amantombazana amancinyane afika inkulungwane eziyisitshiyagalolunye kusiyafika umnyaka ka 2015 uhulumende esahlolisisa ukuthi luqhubeka njani.
Uchasise wathi amantombazana la azahlatshwa ijekiseni ye Human Papillona Virus eyiyo evikela umkhuhlane wemvukuzane njalo amanye amazwe eAfrica alitshumi lawo ayayisebenzisa lijekiseni.
Kusenjalo, uNkosazana Thabitha Khumalo, omela iBulawayo East edale lephalamende njalo elwela amalungelo abesifazana utshele uSithandekile Mhlanga weStudio 7 ukuthi kufanele abantu bafundiswe ngaloluhlelo ukwenzela ukuthi bezwisise ukuthi lubaphathisa njani.
