amalinks wokungena

Breaking News

Chamisa: Kufanele uRamaphosa Angenele Asize eleZimbabwe


Kugqekezwe izitolo kwatshiswa izimota lezindlu kudlakela lolu olwesatshelwa ukuthi lungaqhubekela phambili ngoLwesibili ngoba kulokhu kulokufuthelana.

Umkhokheli webandla leMDC uMnu. Nelson Chamisa usesole udlakela oluqhamuke phakathi kwezizalwane ze South Africa labokuza, lapho okubikwa kutshone abantu abambalwa.

Embikweni awethule ngoLwesibili ekuseni ebulenjini be twitter, uMnu. Chamisa ucele umongameli weSouth Africa uMnu. Cyril Ramaphosa ukuthi ancede eleZimbabwe ngoba ukubhidlika komnotho welizwe yikho okubangela ukuthi inengi liye elizweni lakhe..

UMnu. Chamisa uphinde waphendula umkhokheli webandla eliphikisayo kwele South Africa uMnu. Mmusi Maimane, enkundleni efanayo yena obesithi usola eleSouth Africa ngokungathathi inyathelo ngengxabangxoza eseZimbabwe, lapho athe abantu abedlula izigidi ezimbili balala bengadlanga.

UMnu Chamisa ubonge uMnu. Maimane ngamazwi akhe wamtshele wathi ukubhidlika komnotho okwenzakala eZimbabwe kulomthelela kweleSouth Africa.

Kugqekezwe izitolo kwatshiswa izimota lezindlu kudlakela lolu olwesatshelwa ukuthi lungaqhubekela phambili ngoLwesibili ngoba kulokhu kulokufuthelana.

Isikhulumeli samapholisa sitshele intathelizindaba ukuthi izizalwane zeSouth Africa zithi abokuza bathengisa izidakamizwa besenza okunengi okungekho emthethweni. Kodwa abokuza bathi lokhu akusiloqiniso.

Udlakela lolu luqale ekuseni izolo endaweni ezitshiyeneyo eJohannesburg kwaba lokulwisana kwezinye izindawo njalo izizalwane zeSouth Africa zixotshanisiwe ngabokuza.

Sixoxe lomgcinisihlalo wenhlanganiso elwela ilungelo lezizalwane zakwamanye amazwe awezwekazi le Africa, eye Africa Diaspora Forum, uMnu. Vusumuzi Sibanda ukuze sizwe okunengi ngaloludaba.

please wait

No media source currently available

0:00 0:03:03 0:00

XS
SM
MD
LG