amalinks wokungena

Breaking News

Bazacina Behlale Phansi Bakhulumisana Na uChamisa lo Mnangagwa?


UMnu Nelson Chamisa loMongameli Emmerson Mnangagwa
UMnu Nelson Chamisa loMongameli Emmerson Mnangagwa

UMongameli Emmerson Mnangagwa usephindile njalo ukukhuluma esithi uzimisele ukuxoxisana lenkonkheli yamanye amabandla ezombusazwe ukwenzela ukulungisa okuhluphayo kwele Zimbabwe.

Kodwa akucaci ukuthi uzimisele na ukuzehlisa avumelane lomkhokheli webandla leMDC, uMnu. Nelson Chamisa, owafaka imigoqo athi kumele uMnangagwa ayilandele andubana kukhunyiswane umlotha.

UMngangwa utshele abamela amanye amazwe eZimbabwe ngoLwesine ukuthi eZimbabwe entsha uzulu uyavunyelwa ukutshengisela kodwa akumelanga kube lodlakela.

Imbiko kaMnangagwa eyenkulumo igcizelelwe ngumphathintambo wezobudlelwano lamanye amazwe, uMnu. Sibusiso Moyo, olobe enkundleni ye Twitter esithi ele Zimbabwe livuleke amasango kudaba lwenkulumo.

Kodwa ingcwethi ecubungula ezombusazwe, uMnu. Zenzele Ndebele, uthi kumele kuqale kucace ukuthi kanti vele injongo yenkulumo zakhona ngeyani?

Kumaviki amabili adluleyo uMnangagwa ubize umhlangano wanxusa inkokheli yamabandla ezombusazwe kodwa uChamisa kayanga.

UNdebele uthi osekwenzakele kutshengisa ukuthi uMnangangwa nguye ongazimiselanga ukuthi kube lenkulumo.

Kodwa isiphathamandla sebandla leZanu PF, uMnu. Joseph Tshuma, uthi inkinga ikubandla leMDC.

Abezokholo lweSiKhristu labo baphakathi kwemizamo yokuthi kukhulunyiswane kwabezombusazwe kodwa layo ikhanya ingaphumeleli.

Ingcwethi kwezomnotho welizwe, uMnu. Rejoice Ngwenya, uthi uMnangagwa nguye okhanya engacaci ukuthi inkulumo uyazifuna yini kumbe hatshi.

Kambe sizafika yini isikhathi lapho uMnangagwa azabhekana mathupha loChamisa kuvunyelwane ukulungisisa umnotho welizwe?

please wait

No media source currently available

0:00 0:04:51 0:00

XS
SM
MD
LG