amalinks wokungena

Breaking News

Chinamasa: Akuphele Ukulwisana kuZanu PF


UMnu. Patrick Chinamasa umpathintambo wezemali

Umabhalane obona ngezemithetho kuZanu PF uMnu Patrick Chinamasa uthi amalunga alelibandla kumele ekele ukuhlukuluza amalunga acatshangelwa ukuthi asekela uNkosikazi Joice Mujuru.

UChinamasa wethule amazwi la ngempelaviki emhlanganweni awenze labasekeli beZanu PF koBulawayo phansi kohlelo lokulungisisa ingatsha zalelibandla endaweni ezitshiyeneyo zelizwe.

UMnu Chinamasa ubehamba loMnu Phelekezela Mphoko lezinye iziphathamandla zebandla.

Manengi amalunga eZanu PF axotshiweyo kunyanga ezedluleyo esetheswa umlandu wokusekela uNkosikazi Mujuru, okutshiye kulokulwisana okukhulu kulelibandla.

Abanye babaxotshiweyo abathi uMnu Dydimus Mutasa loMnu Rugare Gumbo sebekhweze udaba lokuxotshwa kwabo emthethwandaba besithi akukho emthethweni.

Ekhuluma phezu kwaloludaba ngeviki edluleyo, uMongameli Mugabe uthe ufun'kubona ukuthi nguphi umahluli ozaluhluza loludaba.

Amazwi la asolwe kakhulu ngamagqwetha kanye labalwela ilungelo loluntu besithi yikwethusela imithethwandaba okwenziwa nguMugabe.

Ukuhlaziya loludaba sixhume ingcwethi kwezombusazwe uMnu Brilliant Mhlanga saqala ngokumbuza ukuthi uthini ngamazwi kaChinamasa.

please wait

No media source currently available

0:00 0:02:37 0:00
Lapho esitholakala khona
XS
SM
MD
LG