amalinks wokungena

Breaking News

Chinamasa: Akwethulwe AmaSanctions Ukuze Umnotho Welizwe Uthuthuke


Chinamasa

Lokhu ukuveze emhlanganweni oqoqwe ngabe SAPES, imanyene labe National Endowment for Democracy, wokuhlaziya umumo wezenotho lentuthuko eZimbabwe.

Uhulumende uthi eleZimbabwe lizimisele ukusebenzelana lamanye amazwe ukuvuselela umnotho welizwe njalo amazwe la lawo kufanele atshengisele ukwamukela eleZimbabwe ngokwethula izijeziso azethesa umongameli Robert Mugabe labanye bakhe.

Lokhu kuvezwe ngumphathintambo obona ngenhlelo zemali uMnu. Patrick Chinamasa, ekhuluma emhlanganweni oqoqwe yi nhlanganiso ye Southern Political Economy Series Trust,I SAPES, imanyene le National Endowment for Democracy, oqalise ngoMvulo eweteleni ye Rainbow Towers eHarare, njalo ophela ngoLwesibili.

Kodwa inkokheli zenhlanganiso ezizimeleyo kanye lamabandla ezombusazwe ebezikulo umhlangano zisole uhulumende zisithi isisekelo sombuso esitsha silokhu singalandelwa okubangela ukuthi kungabi lenguquko kwezomnotho kanye lezombusazwe kwele Zimbabwe.

Ekhuluma emhlanganweni ofanayo, isiphathamandla senhlanganiso yeSAPES uMnu. Ibo Mandaza uthe umhlangano lo uvezile ukuthi kunengi okungalunganga kwezomnotho lezombusazwe okufanele kulungiswe elizweni.

UMnu. Masimba Kuchera, ingcwethi ecubungula ezombusazwe utshele uSithandekile Mhlanga weStudio 7 ukuthi udaba oluqakatheke kakhulu kulolwezijeziso ekuvuseleleni umnotho welizwe ngelokuthi kuhugwe amanye amazwe ukuthi asebenzelane leleZimbabwe.
please wait

No media source currently available

0:00 0:02:06 0:00
Lapho esitholakala khona
XS
SM
MD
LG