amalinks wokungena

Breaking News

Madhuku:UMongameli Jacob Zuma Kasoze Enelise Ukuxazulula Ingxabangxoza Ekudaba LweConstitution


Zimbabwe Police Summon NGO Leader Lovemore Madhuku Over 2004 Cases

INCA isiqalisile ukukhankasela ukuthi abantu bengamukeli idraft constitution ngokuvota bethi “no” ngokhetho lwereferendum.

Inhlanganiso ebona ngokulotshwakutsha kwesisekelo sombuso eye eye National Constitutional Assembly ithi ayilathemba lokuthi uMongameli Jacob Zuma wele South Africa angaxazulula ingxaki ephakathi kwamabandla ezombusazwe ngodaba lwesisekelo sombuso esitsha.

Lokhu kuvezwe ngumgcinisihlalo walinhlanganiso uMnu. Lovemore Madhuku ngolweSithathu yena othi inhlanganiso yakhe isiqalisile ukukhankasela ukuthi abantu bengamukeli ugwalo olukhangelelwe ukuthi lube yisisekelo sombuso esitsha olweDraft Constitution ngokuvota bethi “No” ngokhetho lweReferendum.

Ibandla le ZANU PF lithi alamukeli ugwalo lweDraft Constitution ngoba lumumethe imbono engavelanga ebantwini kukanti amacele womabili eMDC ayalwamukela njalo asecele uZuma ukuthi angenele kuloludaba.

USithandekile Mhlanga weStudio 7 uxoxe labantu makhaza ezigabeni zelizwe ezitshiyeneyo ukuze sizwe imbono yabo ngaloludaba.

UMnu. Jabulani Moyo, isakhamuzi seNyamandlovu uthi kufanele ilizwe liqhubekele phambili ngenhlelo zalo ezifana lokhetho.

UMnu Patson Hlabangana isakhamuzi seGokwe utshele uSithandekile Mhlanga weStudio 7 ukuthi kungcono okumunyethwe lugwalo lweDraft Constitution.
XS
SM
MD
LG